سابق کمشنرراولپنڈی لیاقت علی چٹھہ کے الزامات کے معاملے پرالیکشن کمیشن نے ڈی آر اوز اور آر اوز کے بیانات قلمبند کر لیے گئے۔
ذرائع کا کہنا ہے کہ الیکشن کمیشن نے راولپنڈی ڈویژن کے 6 ڈی آر اوز اور قومی و صوبائی اسمبلیوں کے آراوز کے بیانات ریکارڈ کیے، پیمرا نے سابق کشمنر راولپنڈی کی پریس کانفرنس کا ٹرانسکرپٹ بھی الیکشن کمیشن کو بھجوا دیا، ذرائع
ذرائع کے مطابق ڈی آر اوز اور آر اوز نے تحریری بیانات الیکشن کمیشن میں جمع کروائے، کمیٹی نے رپورٹ تیارکرلی، کمیٹی آج رپورٹ کمیشن کو بھجوائے گی، ڈی آر اوز اور آر اوز کی جانب سے بیانات میں دباؤ اور دھاندلی کے الزامات کو مسترد کیا گیا ہے۔
ذرائع نے یہ بھی بتایا کہ ریکارڈ کیے گئے بیانات میں کہا گیا کہ حلقوں میں انتخابات کے لیے پرامن، صاف اور شفاف پولنگ ہوئی۔
سابق کمشنرراولپنڈی کی دھاندلی سے متعلق الزامات کی پریس کانفرنس کے ٹرانسکرپٹ کو بھی تحقیقاتی رپورٹ کا حصہ بنایا گیا ہے۔
Advertisement
واضح رہے کہ 17 فروری کو سابق کمشنر راولپنڈی لیاقت علی چٹھہ انتخابی بے ضابطگیوں پر مستعفی ہو گئے تھے اور خود کو پولیس کے حوالے کرنے کا فیصلہ کیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
