شہبازشریف کی زیر صدارت مسلم لیگ ن کا لاہور میں اہم اجلاس

ویب ڈیسک

10th Feb, 2024. 09:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہبازشریف کی زیر صدارت مسلم لیگ ن کا لاہور میں اہم اجلاس

پاکستان مسلم لیگ ن کے رہنما شہباز شریف کی زیر صدارت پارٹی رہنماؤں کا اہم اجلاس لاہور میں منعقد کیا گیا۔

تفصیلات کے مطابق عام انتخابات اور حکومت سازی کے حوالے سے پاکستان مسلم لیگ ن کے رہنما اور سابق وزیر اعظم شہباز شریف کی زیر صدارت پارٹی رہنماؤں کا اہم اجلاس لاہور میں منعقد کیا گیا۔

اجلاس میں حکومت سازی کے حوالے سے امور پر تبادلہ خیال کیا گیا، شہبازشریف نے مختلف جماعتوں سے ہونے والے رابطوں سے متعلق اجلاس کوآگاہ کیا۔

اجلاس میں حکومت سازی کے لئے مختلف آپشنز پرمشاورت کی گئی، جبکہ پارٹی رہنماؤں نے 8 فروری کےانتخابات میں کامیابی پر پارٹی صدرکو مبارکباد دی۔

سابق وزیر اعظم شہباز شریف نے اجلاس کے شرکاء سے گفتگو کرتے ہوئے کہ اللہ کے کرم اور عوام کی حمایت سے ن لیگ سب سے بڑی جماعت بن کر ابھری ہے۔

شہباز شریف نے کہا کہ ان شاء اللہ عوام کی توقعات پرپورا اتریں گے، حکومت کا ہدف عوام کو مہنگائی اورمسائل سے نجات دلانا ہو گا۔

پاکستان مسلم لیگ ن کے رہنما اور سابق وزیر اعظم نے مزید کہا کہ حکومت کا ہدف عوام کو مہنگائی اورمسائل سے نجات دلانا ہو گا اور تمام سیاسی قوتوں کو پاکستان کے لئے ایک ہونا ہو گا۔