الیکشن کمیشن کی آئینی ذمہ داری ہے کہ نتائج کا اعلان کرے، بیرسٹرگوہرخان

ویب ڈیسک

10th Feb, 2024. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن کی آئینی ذمہ داری ہے کہ نتائج کا اعلان کرے، بیرسٹرگوہرخان

بیرسٹرگوہرخان کا کہنا ہے کہ سپریم کورٹ کی مداخلت سے 8 فروری انتخابات کا فیصلہ ہوا، الیکشن کمیشن کی آئینی ذمہ داری ہے کہ نتائج کا اعلان کرے۔

اسلام آباد سینئر رہنما پی ٹی آئی بیرسٹر گوہرخان نے پریس کانفرنس کرتے ہوئے کہا کہ آپ کے سامنے کچھ حقائق رکھنے جارہےہیں، آج پاکستان کی جمہوریت کا اہم ترین دن ہے، ہم تین اسمبلیوں کو ختم کرتے ہوئے نئے انتخابات کی جانب بڑھے۔

بیرسٹر گوہرنے کہا کہ سپریم کورٹ کی مداخلت سے 8 فروری انتخابات کا فیصلہ ہوا، الیکشن کمیشن کی ذمہ داری تھی کہ 2 بجے تک نتائج دیتے، صبح دس بجے تک نتائج کا عمل ہر صورت مکمل ہونا چاہیے تھا۔

سینئررہنما نے کہا کہ آج جمہوری تاریخ کا بڑا اہم دن ہے، گزشتہ2سال سےپی ٹی آئی مشکلات سےگزررہی ہے، سپریم کورٹ کی ہدایت پرملک میں 8فروری الیکشن کی تاریخ طےہوئی، آٹھ تاریخ کو انتخابات ہوئےاورعوام نے ووٹ کاسٹ کیے۔

بیرسٹرگوہرخان نے کہا کہ الیکشن کمیشن کی آئینی ذمہ داری ہے کہ نتائج کا اعلان کرے، رزلٹ کوروکنے کی ذمہ داری الیکشن کمیشن پر عائد ہوتی ہے، پولنگ کا وقت 5 بجے تک تھا جسے آگے نہیں بڑھایا گیا، الیکشن کمیشن اپنی آئینی ذمہ داری بھی پوری نہ کر سکا۔