پنجاب اسمبلی کے مزید 6 ارکان مسلم لیگ ن میں شامل

ویب ڈیسک

14th Feb, 2024. 08:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب اسمبلی کے مزید 6 ارکان مسلم لیگ ن میں شامل

عام انتخابات میں پنجاب اسمبلی سے منتخب ہونے والے مزید 6 ارکان مسلم لیگ ن میں شامل ہو گئے ہیں۔

تفصیلات کے مطابق پنجاب اسمبلی کے مزید 6 نو منتخب ارکان نے مسلم لیگ ن میں شمولیت اختیار کر لی ہے۔

مسلم لیگ ن کی رہنما مریم نوازسےملاقات میں 6 کامیاب امیدواروں کان لیگ میں شمولیت کا اعلان کیا۔

ن لیگ میں شامل ہونے والے ارکان میں پی پی 132 ننکانہ سے سلطان باجوہ اور پی پی 225 لودھراں سے شازیہ ترین بھی شامل ہیں۔

پی پی 289 ڈیرہ غازی خان سے محمود قادر لغاری، پی پی 288 ڈیرہ غازی خان سے حنیف پتافی بھی مسلم لیگ ن کے کیمپ میں داخل ہو چکے ہیں۔

پی پی 94 چنیوٹ سے تیمورلالی اور پی پی 283 لیہ سے علی اصغر گورمانی کا بھی مسلم لیگ ن میں شمولیت کا اعلان کر دیا ہے۔

مریم نواز نے شمولیت پرنومنتخب ارکان اسمبلی کا شکریہ ادا کیا اور فیصلے کا خیر مقدم کیا۔

نومنتخب ارکان پنجاب اسمبلی نے قائد نواز شریف پر مکمل اعتماد کا اظہار کیا۔

ارکان کی شمولیت پر مریم نواز نے کہا کہ انشاءاللہ آپ کی شمولیت سے پنجاب کے عوام کی خوشحالی کا مقصد حاصل ہوگا۔

مسلم لیگ ن کی مرکزی رہنما مریم نواز نے مزید کہا کہ ماضی کی تباہی سے عوام کو نجات دلا کر خوشحال مستقبل سے ہمکنار کریں گے۔