بی سی سی آئی نے سینٹرل کنٹریکٹ لسٹ برائے 2023-24 کی فہرست سے شریاس ائیر اور ایشان کشن کا نام خارج کردیا گیا ہے۔

تفصیلات کے مطابق بی سی سی آئی کے سالانہ کنٹریکٹ برائے 2023-24 کی فہرست میں سب سے بڑا نام بھارتی کرکٹ ٹیم کی اسٹار جوڑی شریاس ائیر اور ایشان کشن کو شامل نہیں کیا گیا ہے۔

بھارت کرکٹ کنٹرول بورڈ (بی سی سی آئی) نے 2023-24 سیزن (یکم اکتوبر 2023 سے 30 ستمبر 2024) کے لئے ٹیم انڈیا (سینئر مردوں) کے لئے سالانہ کھلاڑیوں کے معاہدوں کا اعلان کیا ہے۔

اس فہرست میں سب سے بڑا نام بھارتی کرکٹ ٹیم کی اسٹار جوڑی شریاس ائیر اور ایشان کشن کو شامل نہیں کیا گیا تھا۔ بی سی سی آئی نے کہا کہ شریاس ائیر اور ایشان کشن کو سفارشات کے اس دور میں سالانہ معاہدوں کے لئے غور نہیں کیا گیا تھا۔

دونوں کو بی سی سی آئی کے معاہدے کی فہرست سے خارج کیے جانے کے بارے میں کافی قیاس آرائیاں کی جارہی تھیں۔

ایشان کشن نے بھارت کے دورہ جنوبی افریقہ کے درمیان میں وقفہ لیا تھا۔ اس کے بعد ایشان کشن کو افغانستان کے خلاف ٹی 20 سیریز اور انگلینڈ کے خلاف ٹیسٹ سیریز کے لئے منتخب نہیں کیا گیا تھا۔

بھارتی کرکٹ ٹیم کے ہیڈ کوچ راہول ڈریوڈ نے واضح کیا کہ ایشان کشن کو قومی ٹیم میں واپسی کے لیے کھیل کا کوئی نہ کوئی فارمیٹ کھیلنا ہوگا۔ تاہم ، وہ اپنی ریاستی ٹیم جھارکھنڈ کے لئے رانجی ٹرافی میچوں سے محروم رہے۔

شریاس ائیر نے حال ہی میں کمر کی تکلیف کی وجہ سے ممبئی کے رانجی ٹرافی میچ سے معذرت کرلی تھی۔

بھارتی میڈیا کی ایک رپورٹ میں پیش گوئی کی گئی تھی کہ دونوں کو بی سی سی آئی کے معاہدوں کی فہرست سے خارج کردیا جائے گا۔

ذرائع کا کہنا ہے کہ کشن اور ائیر کو اس فہرست سے خارج کیے جانے کا امکان ہے کیونکہ بی سی سی آئی کے حکم کے باوجود دونوں ڈومیسٹک کرکٹ نہیں کھیل رہے ہیں۔