آئی ایس پی آر نے بلوچستان کے علاقے مچھ اور کول پور کمپلیکس پر دہشت گردوں کے حملے سے متعلق تفصیلات جاری کر دیں۔

پاک فوج کے شعبۂ برائے تعلقاتِ عامہ (آئی ایس پی آر) کی جانب سے جاری بیان میں کہا گیا کہ 29 اور 30 جنوری کی درمیانی شب مچھ اور کول پور کمپلیکسز پر دہشتگردوں کا حملہ ناکام بنا دیا۔  سیکورٹی پر تعینات قانون نافذ کرنے والے اداروں نے سخت مزاحمت کی۔

مچھ میں دہشتگردوں کا حملہ ناکام
3 روز میں 24 دہشتگرد جہنم واصل
براہ راست دیکھیں:https://t.co/vJHfveCbX5#BOLNews #ISPR pic.twitter.com/eibVQTIeDk

— BOL Network (@BOLNETWORK) February 2, 2024

آئی ایس پی آرکی جانب سے جاری بیان کے مطابق مچھ اورکول پورمیں سینیٹائزیشن اور کلیئرنس آپریشن مکمل کیا گیا۔ کلیئرنس آپریشنزکے دوران، پچھلے تین دنوں میں چوبیس دہشت گردوں کو واصل جہنم کیا گیا۔ سیکیورٹی پر موجود فورسز کی جانب سے دہشتگردوں کے حملے کے خلاف سخت مزاحمت کی گئی۔ سیکورٹی فورسزنے دہشت گردوں کو پسپائی پرمجبورکردیا۔

آئی ایس پی آر کا کہنا ہے کہ علاقے کو مکمل طورپرکلیئراورسیکیورکردیا گیا ہے، ہلاک ہونے والوں میں دہشت گرد شہزاد بلوچ، عطا اللہ، صلاح الدین، عبدالودود اور ذیشان اہم دہشت گرد ہیں۔ باقی دہشت گردوں کی شناخت کا عمل جاری ہے۔

آئی ایس پی آرکے مطابق فائرنگ کے شدید تبادلے کے دوران قانون نافذ کرنے والے اداروں کے چارجوان بہادری سے لڑتے ہوئے شہید ہوئے۔ دہشت گردوں کی فائرنگ سے دوشہری بھی شہید ہوئے۔