بلوچستان اسمبلی کا اجلاس کل منعقد ہوگا

ویب ڈیسک

27th Feb, 2024. 07:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان اسمبلی کا اجلاس کل منعقد ہوگا

کوئٹہ: بلوچستان اسمبلی کا اجلاس کل منعقد ہوگا جس میں 50 سے زائد نومنتخب اراکین اسمبلی حلف اٹھائیں گے.

انتخابات کے بعد بلوچستان اسمبلی کا پہلا اجلاس کل منعقد ہوگا، کل 65 کے ایوان میں 50 سے زائد نومنتخب اراکین اسمبلی حلف اٹھائیں گے۔

بلوچستان اسمبلی کے افتتاحی اجلاس کی صدارت اسپیکر کی کوئٹہ میں عدم موجودگی پر سینئر رکن انجینئر زمرک خان اچکزئی کریں گے جس کا نوٹیفکیشن بھی جاری کردیا گیا ہے۔

زمرک خان اچکزئی کی عدم موجودگی کی صورت میں سابق اسپیکر بلوچستان اسمبلی راحیلہ درانی اجلاس کی صدارت کریں گی

دوسری جانب وزیراعلیٰ بلوچستان کا فیصلہ اب تک نہیں ہوسکا ہے۔ پیپلز پارٹی کی جانب سے تین ناموں پر غور کیا جارہا ہے جن میں ظہور بلیدی، سرفراز بگٹی اور صادق عمرانی شامل ہیں۔

وزیراعلیٰ کی نامزدگی کے بعد گورنر بلوچستان کے حوالے سے فیصلہ کیا جائے گا۔

اجلاس کے دوران کسی بھی ناخوشگوار واقعہ سے نمٹنے کے لیے انتظامیہ کی جانب سے سخت انتظامات اٹھائے گئے ہیں۔

اجلاس کے دوران اسمبلی کی حدود میں ویزیٹرز کے داخلے پر پابندی عائد کی گئی ہے جب کہ اسمبلی کے اطراف ممکنہ احتجاج کے پیش نظر بھی اقدامات اٹھائے جائیں گے۔۔