فلسطین پر اسرائیلی قبضہ، عالمی عدالت انصاف میں امریکہ اور روس آج دلائل دیں گے
عالمی عدالت انصاف میں فلسطین پر اسرائیلی قبضہ سے متعلق کیس کی سماعت 19 فروری سے 26 فروری تک جاری رہنے کا امکان ہے۔
غیر ملکی خبر رساں ادارے کے مطابق عالمی عدالت انصاف میں فلسطینی وزیر خارجہ ریاض الملکی نے اپنے بیان میں فلسطینی عوام کو فراموش نہ کرنے کی اپیل کی ہے۔
عالمی عدالت انصاف میں 52 مختلف ممالک اسرائیل کے خلاف اپنا موقف پیش کریں گے جب کہ تمام سماعتیں آج 19 فروری سے 26 فروری تک جاری رہنے کا امکان ہے۔
دوسری جانب مصر نے عالمی عدالت انصاف میں اسرائیل کے خلاف یادداشت لانے کا منصوبہ بنایا ہے۔
مصری انفارمیشن سروس کے سربراہ ضیا رشوان کے مطابق مصر فلسطینی علاقوں میں جاری خلاف ورزیوں کے نتیجے میں اسرائیل کے خلاف باضابطہ طور پر عالمی عدالت انصاف میں جمع کرائے گا۔
Advertisement
انہوں نے اعلان کیا کہ مصر 1967 سے مقبوضہ فلسطینی علاقوں میں اسرائیلی پالیسیوں اور طرز عمل کے بارے میں اقوام متحدہ کی جنرل اسمبلی کی جانب سے بین الاقوامی عدالت انصاف سے درخواست کردہ مشاورتی رائے میں شرکت کرے گا۔
انہوں نے یہ بھی انکشاف کیا کہ مصر 21 فروری کو عدالت کے سامنے جو درخواست کرے گا اس میں عالمی عدالت انصاف کے دائرہ اختیار کی توثیق کرنا بھی شامل ہے تا کہ مشاورتی رائے پر غور کیا جاسکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
