پاکستان میں عام انتخابات کے بعد حکومت بنانے کے لیے سیاسی جماعتوں میں رابطے تیز ہو گئے ہیں۔
تفصیلات 8 فروری کو ملک میں ہونے والے عام انتخابات کے بعد اب سیاسی جماعتوں میں حکومت بنانے کی فکر سب سے زیادہ ہے، ذرائع کے مطابق سیاسی جماعتوں میں اندرون خانہ ایک دوسرے کے ساتھ رابطے شروع ہو چکے ہیں۔
ذرائع کا کہنا ہے کہ پاکستان پیپلز پارٹی کے پاس تمام آپشن کھلے ہیں کیونکہ اگر پی پی نے مسلم لیگ ن کے ساتھ مل کر حکومت بناتے ہیں تو اس سے پارٹی کو نقصان ہوتا ہے۔
پیپلز پارٹی کے ذرائع کے مطابق پارٹی کے لیے کسی جماعت کے بجائے آزاد گروپ سے ہاتھ ملانا زیادہ بہتر ہو گا۔
ذرائع کا کہنا ہے کہ پاکستان پیپلز پارٹی کا ابھی تک مسلم لیگ ن سے کوئی باقاعدہ رابطہ نہیں ہوا ہے۔
پارٹی ذرائع کا کہنا ہے کہ ہمارے لیے بہتر ہوگا کہ ہم تحریک انصاف کے حمایت یافتہ آزاد امیدواروں کے ساتھ ملیں، ہم اس وقت مسلم لیگ ن سمیت تمام آزاد ارکان کے ساتھ رابطے میں ہیں۔
ذرائع کا مزید کہنا تھا کہ جونہی نتائج مکمل ہوں گے، پیپلز پارٹی انتخابی عمل پر اپنا موقف دے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News