اہلکارکو تھپڑ مارنےکا معاملہ؛ فردوس عاشق اعوان کو تحریری جواب جمع کرانے کا حکم

ویب ڈیسک

12th Feb, 2024. 11:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اہلکارکو تھپڑ مارنےکا معاملہ؛ فردوس عاشق اعوان کو تحریری جواب جمع کرانے کا حکم

الیکشن کمیشن نے اہلکارکوتھپڑمارنے کے نوٹس پرفردوس عاشق اعوان کو تحریری جواب جمع کرانے کا حکم دے دیا۔

تفصیلات کے مطابق الیکشن کمیشن آف پاکستان میں فردوس عاشق اعوان کی جانب سے پولیس اہلکار کو تھپڑ مارنے پر نوٹس کی سماعت ہوئی۔

ممبر پنجاب اور کے پی پر مشتمل بینچ نے سماعت کی۔

فردوس عاشق اعوان نے کمیشن کو بتایا کہ مجھے تھپڑ نہیں مارنا چاہئیے تھا، میں معذرت خواہ ہوں۔

دوران سماعت تھپڑ کھانے والا پولیس اہلکار بھی کورٹ روم میں موجود تھا۔

فردوس عاشق اعوان نے بتایا کہ میرے تھپڑ مارنے کی وجوہات کا بھی جائزہ لیا جائے۔ انھوں نے کمیشن سے پولیس اہلکارکی شکایت اور ضلعی الیکشن کمشنر کی رپورٹ کی کاپی فراہم کرنے کا مطالبہ کیا۔

انھوں نے کہا کہ پولنگ عملہ کے خلاف ہماری شکایات بھی سنی جائیں۔ ہمارے پاس بھی ویڈیو ثبوت موجود ہیں۔ ہمارے ووٹرز کو پولنگ اسٹیشن میں جانے سے روکا جا رہا تھا۔

ممبر کے پی نے کہا کہ آپ کی شکایات کا یہ مطلب تو نہیں کہ آپ پولیس اہلکار کو ماریں۔

الیکشن کمیشن نے فردوس عاشق اعوان کو 15 فروری تک تحریری جواب جمع کروانے کا حکم دیتے ہوئے سماعت ملتوی کردی۔