ایف آئی اے سنٹرل کورٹ لاہورنے چوہدری پرویزالہی فیملی کے خلاف منی لانڈرنگ کیس کا گزشتہ سماعت کا تحریری آڈر جاری کر دیا۔

ایف آئی اے سنٹرل کورٹ کے جج شیخ تنویر نے فیصلہ جاری کیا، عدالت میں پرویز الہی کو راولپنڈی اڈیالہ جیل حکام کی جانب سے پیش کیا گیا۔ عدالت نے مونس الہی کو اشتہاری قرار دے رکھا ہے۔

ایف آئی اے تفتیشی افیسرنے عدالت میں مونس الہی کے پراپرٹی منجمد سے متعلق عملدامد رپورٹ جمع کروا دی۔ عدالت نے مونس الہی کی جائیداد کو بھی منجمد کر دیا۔

ایف آئی اے رپورٹ کے مطابق مونس الہی کے ایم ای کپیٹل میں 99 فیصد شئیرہیں، جبکہ مونس الہی کے گجرات ٹیوٹا موٹر میں 75 فیصد شئیر ہیں۔ مونس الہی کی گارڈن ٹاؤن ابوبکربلاک میں موجود پراپرٹی کو منجمد کردیا گیا۔

رجسٹرارنشترٹاؤن کو روبکارجاری کردی گئی ہے کہ پراپراٹی کو کس کے نام منتقل نہ کیا جائے۔

عدالت نے ایس ای سی پی کو بھی مونس الہی کے شئیر کسی دوسرے شحص یا کمپنی کو منتقل کرنے سے روک دیا۔ عدالت میں تفتیشی افیسر کی جانب سے شریک ملزم جبران کی اشتہاری کی رپورٹ جمع کروائی گئی۔

ملزم کی رہائش گاہ اورعدالت کے باہر اشتہار آویزاں کر دیا گیا ہے، اشتہاری ملزم کے حوالے سے لندن ہائی کمیشن کو آگاہ کردیا گیا۔

عدالت کی جانب سے مونس الہی کے ریڈ ورانٹ گرفتاری پرعملدامد رپورٹ ایف آئی اے انٹرنشنل پولیس سے طلب کرلی۔