ایران کے صوبہ سیستان بلوچستان میں سڑک کنارے بم نصب کرتے ہوئے دھماکہ ہوا جس کے نتیجے میں ایک دہشت گرد ہلاک ہوگیا۔
غیر ملکی خبر رساں ادارے کے مطابق ایران کے صوبہ سیستان بلوچستان میں بم نصب کرتے ہوئے دھماکہ ہوا جب کہ دو مبینہ دہشت گرد سڑک کنارے دیسی ساختہ بم نصب کررہے تھے۔
رپورٹ کے مطابق دھماکے سے ایک دہشت گرد ہلاک ہوا جب کہ اس کا ساتھی زخمی حالت میں فرار ہوگیا ہے۔
حکام کی جانب سے اب تک دہشت گرد کی شناخت ظاہر نہیں کی گئی ہے جب کہ دہشت گرد بم نصب کرکے پولیس کی گاڑی کو نشانہ بنانا چاہتے تھے۔
حکام کا کہنا ہے کہ عسکریت پسندوں نے پولیس فورسز پر حملہ کرنے کے لیے ایران کی مشرقی سرحدوں کو عبور کیا تھا۔
Advertisement
خیال رہے کہ ایران کے صوبے سیستان بلوچستان میں جیش العدل نامی دہشت گرد تنظیم فعال ہے جو کہ بلوچ اقلیت سے تعلق رکھنے والا ایک سنی عسکریت پسند گروپ ہے جب کہ یہ گروپ ایران اور پاکستان میں پھیلا ہوا ہے۔
یاد رہے کہ رواں سال جنوری میں ایران نے دسمبر میں ہونے والے حملے کے جواب میں پاکستان کے علاقے میں جیش العدل کے دو ٹھکانوں کو تباہ کرنے کا دعویٰ کیا تھا۔
حملے کے جواب میں پاکستان نے فوری کارروائی کرتے ہوئے ایران میں موجود بلوچ علیحدگی پسند عسکریت پسندوں کو نشانہ بنایا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
