امریکی فوجی نے اسرائیلی سفارت خانے کے سامنے خود کو آگ لگالی

ویب ڈیسک

26th Feb, 2024. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی فوجی نے اسرائیلی سفارت خانے کے سامنے خود کو آگ لگالی

واشنگٹن: امریکی فوجی نے غزہ پر اسرائیلی جارحیت کے خلاف احتجاجاً خود کو آگ لگالی ہے۔

غیر ملکی میڈیا رپورٹس کے مطابق امریکی فوجی نے اسرائیلی سفارت خانے کے سامنے غزہ پر اسرائیلی جارحیت کے خلاف احتجاجاً خود کو آگ لگالی ہے۔

رپورٹ امریکی فوجی نے واشنگٹن میں واقع اسرائیلی سفارت خانے کے دروازے کے سامنے آزاد فلسطین کے نعرہ لگاتے ہوئے خود کو آگ لگائی۔

رپورٹ میں کہا گیا ہے کہ امریکی فوجی فضائیہ کا ملازم ہے جب کہ فوجی کو زخمی حالت میں اسپتال منتقل کردیا گیا ہے۔

دوسری جانب امریکی فضائیہ کے ترجمان نے فوجی کی تصدیق کردی ہے تاہم انہوں نے دیگر تفصیلات بتانے سے گریز کیا ہے۔

امریکی فوجی نے اس سارے معاملے کو ٹوئچ پر لائیو اسٹریم بھی کیا تاہم بعد ازاں ٹوئچ کی جانب سے اس ویڈیو کو ہٹادیا گیا ہے۔

واضح رہے کہ 7 اکتوبر 2023 سے جاری اسرائیلی جارحیت کے نتیجے میں اب تک 29 ہزار 840 فلسطینی شہید اور 67 ہزار سے زائد زخمی ہوچکے ہیں جب کہ شہید اور زخمیوں میں نصف تعداد خواتین اور بچوں کی ہے۔