صدر پاکستان آصف زرداری نے کہا ہے کہ عہد کرتے ہیں کہ ملکی ترقی کو جان و دل سے زیادہ عزیز رکھیں گے۔

صدرمملکت آصف زرداری نے یوم پاکستان کی تقریب سےخطاب کرتے ہوئے کہا کہ آج برصغیرکےمسلمانوں نےاپنے لیےالگ ملک کامطالبہ کیاتھا، ہم اپنے شہدااورغازیوں کوسلام پیش کرتےہیں، قائداعظم کی دوراندیش قیادت نےجدوجہدسےآزادریاست قائم کی۔

صدرمملکت نے کہا کہ قوم مختلف نشیب و فراز سے گزری ہے، مشکلات کے باوجودملک نے مختلف شعبوں میں ترقی کی منازل طےکیں، عہد کرتے ہیں ملکی ترقی کو جان و دل سے زیادہ عزیز رکھیں گے، ملک کو مختلف سیاسی، سماجی اورمعاشی مسائل کا سامناہے۔

صدرآصف زرداری نے کہا کہ ملک کے لیےجانوں کا نذرانہ پیش کرنے والوں کوخراج عقیدت پیش کرتے ہیں، غربت اوربےروزگاری جیسے بڑے چیلنجزکا سامناہے، خوشی ہے جمہوری عمل کے بعدحکومت قائم ہو چکی ہے، ہماری ذمہ داری ہےتمام مشکلات کامل کرحل نکالیں۔

انھوں نے اپنے خطاب میں کہا کہ ہمیں یقین ہے پاکستان کوچیلنجزسےنکال سکتے ہیں، ایس آئی ایف سی سےملک میں ترقی آئےگی، سیاسی جماعتیں ملکی مفادات کے لیےاختلافات ایک طرف رکھ دیں، خطےمیں عدم استحکام کی بنیادی وجہ مقبوضہ کشمیر پربھارتی قبضہ ہے، مقبوضہ کشمیرمیں قتل عام انسانی حقوق کی خلاف ورزیاں ہورہی ہیں، پاکستان کے عوام ہمیشہ کشمیریوں کےساتھ کھڑے ہیں۔

صدر مملکت نے کہا کہ عالمی برادری معصوم فلسطینیوں کاقتل عام بندکرائے، پاکستان کے عوام فلسطینیوں کی حمایت جاری رکھیں گے، پاکستان تمام ہمسایہ ممالک کے ساتھ بہترتعلقات کاخواہاں ہے، پاکستان کی سالمیت پرکوئی سمجھوتہ نہیں ہوگا، مسلح افواج کسی بھی جارحیت سے نمٹنےکےلیےتیارہیں۔

صدرآصف زرداری نے اپنے خطاب میں مزید کہا کہ کسی بھی قوت کوپاکستان کوغیرمستحکم کرنےنہیں دیں گے، چین سعودی عرب، یواے ای، ترکیہ دیگردوست ممالک کاشکریہ اداکرتے ہیں، دوست ممالک نےہرمشکل گھڑی میں ہماراساتھ دیا۔