سعودی حکام نے ایک ہفتے میں 19 ہزار 746 غیر قانونی افراد کو گرفتار کر لیا

ویب ڈیسک

16th Mar, 2024. 11:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی حکام نے ایک ہفتے میں 19 ہزار 746 غیر قانونی افراد کو گرفتار کر لیا

سعودی حکام نے ایک ہفتے کے دوران رہائشی، کام اور سرحدی سیکیورٹی قواعد و ضوابط کی خلاف ورزی کرنے پر 19 ہزار 746 افراد کو گرفتار کیا ہے۔

ایک سرکاری رپورٹ کے مطابق، رہائشی قوانین کی خلاف ورزی پر مجموعی طور پر 11،250 افراد کو گرفتار کیا گیا، جبکہ 5،511 کو غیر قانونی طور پر سرحد پار کرنے کی کوششوں پر گرفتار کیا گیا، اور مزید 2،985 کو مزدوروں سے متعلق امور پر گرفتار کیا گیا۔

رپورٹ میں بتایا گیا ہے کہ غیر قانونی طور پر سعودی عرب میں داخل ہونے کی کوشش کرنے والے 972 افراد میں سے 47 فیصد یمنی، 50 فیصد ایتھوپیا اور 3 فیصد دیگر قومیتوں کے تھے۔

مزید 109 افراد ہمسایہ ممالک میں داخل ہونے کی کوشش کرتے ہوئے پکڑے گئے، اور 24 کو خلاف ورزی کرنے والوں کو نقل و حمل اور پناہ دینے میں ملوث ہونے کے الزام میں گرفتار کیا گیا۔

سعودی وزارت داخلہ کا کہنا ہے کہ اگر کوئی شخص مملکت میں غیر قانونی داخلے میں سہولت فراہم کرتا پایا گیا تو اسے زیادہ سے زیادہ 15 سال قید، 10 لاکھ ریال (260،000 ڈالر) تک جرمانے کے ساتھ ساتھ گاڑیاں اور املاک ضبط کرنے کا سامنا کرنا پڑ سکتا ہے۔

مکہ مکرمہ اور ریاض کے علاقوں میں ٹول فری نمبر 911 اور مملکت کے دیگر علاقوں میں 999 یا 996 پر مشتبہ خلاف ورزیوں کی اطلاع دی جاسکتی ہے۔