پی ایس ایل 9: شاداب سے تکرار پر شان مسعود کا موقف سامنے آگیا

ویب ڈیسک

12th Mar, 2024. 11:07 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 9: شاداب سے تکرار پر شان مسعود کا موقف سامنے آگیا

پی ایس ایل 9 کے چوبیسویں میچ میں شاداب خان سے ہونے والی تکرار پر شان مسعود کا موقف سامنے آگیا۔

تفصیلات کے مطابق پاکستان سپر لیگ کے نویں ایڈیشن کے چوبیسویں میچ میں اسلام آباد یونائیٹڈ اور کراچی کنگز کی ٹیمیں مد مقابل آئی تھیں۔

اس میچ میں اسلام آباد کے کپتان شاداب خان اور کراچی کے کپتان شان مسعود کے درمیان گرما گرمی دیکھنے میں آئی تھی۔

گزشتہ روز پشاور زلمی کے خلاف میچ میں شکست کے بعد شان مسعود نے پریس کانفرنس میں اپنی پرفارمنس اچھی نہ ہونے کا اقرار کرتے ہوئے کہا کہ ماضی میں ہر سال اچھا رہا تھا مگر اس بار ایسا نہ ہوسکا ، افسوس ہے کہ توقعات کے مطابق پرفارمنس نہ دے سکا۔

اس کے علاوہ شان مسعود نے گزشتہ دنوں اسلام آباد یونائیٹڈ کے خلاف میچ میں شاداب خان کے ساتھ تکرار کی تفصیلات بھی بتا ئیں۔

انہوں نے کہا کہ فیلڈ میں پلیئرز کے جذبات ہوتے ہیں، ہر انسان میں کچھ خوبی کچھ خامی ہوتی ہے، میں نے وائیڈ واپس لینے کے لیے ری ویو لیا تھا ، میں جب امپائر سے بات کررہا تھا تو شاداب نے کہا وقت ختم ہوگیا ہے، شاداب کی بات پر اس کو کہا کہ آپ میچ کھیلو، امپائرنگ مت کرو۔