کینیڈا میں گزشتہ ہفتے گھر میں خوفناک آتشزدگی کے باعث 3 افراد جل کر خاکستر ہو گئے تھے۔

تفصیلات کے مطابق کینیڈا کے شہر اونٹاریو کے شہر برامپٹن میں گزشتہ ہفتے ایک گھر میں آگ لگنے سے ایک بھارتی نژاد خاندان کی موت ہو گئی۔

آگ 7 مارچ کو بگ اسکائی وے اور وان کرک ڈرائیو میں واقع ایک رہائش گاہ میں لگی تھی۔ ابتدائی طور پر تفتیش کاروں کو جلے ہوئے گھر سے انسانی باقیات ملی تھیں لیکن وہ ہلاکتوں کی تعداد کی تصدیق نہیں کر سکے۔

تاہم جمعہ کے روز حکام نے ہلاک شدگان کی شناخت راجیو واریکو (51)، ان کی بیوی شلپا کوتھا (47) اور ان کی بیٹی مہک واریکو (16) کے طور پر کی ہے۔

پیل پولیس کانسٹیبل ٹیرین ینگ نے بتایا کہ آگ کو مشکوک قرار دیا جا رہا ہے کیونکہ اونٹاریو فائر مارشل نے اس بات کا تعین کیا کہ آگ حادثاتی نہیں تھی۔

یہ خاندان اس پتے پر رہ رہا تھا جہاں آگ لگی تھی۔ کینتھ یوسف جیسے پڑوسیوں نے اس واقعے پر صدمے اور افسوس کا اظہار کرتے ہوئے کہا کہ یہ خاندان تقریبا 15 سال سے بغیر کسی واضح مسئلے کے کمیونٹی کا حصہ تھا۔

ان ہلاکتوں کی تحقیقات جاری ہیں اور حکام کسی بھی ایسے شخص پر زور دے رہے ہیں جس کے پاس معلومات یا متعلقہ فوٹیج ہو وہ تحقیقات میں مدد کے لیے آگے آئے۔