بیرون ملک مفرور اشتہاریوں کے خلاف پنجاب پولیس کا گھیرا تنگ

ویب ڈیسک

13th Mar, 2024. 10:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیرون ملک مفرور اشتہاریوں کے خلاف پنجاب پولیس کا گھیرا تنگ

پنجاب پولیس نے بیرون ملک میں موجود مفرور اشتہاریوں کے خلاف شکنجہ تنگ کرنا شروع کر دیا ہے۔

تفصیلات کے مطابق پنجاب پولیس نے 3 مفرور اشتہاریوں کو متحدہ عرب امارات سے گرفتار کر لیا ہے۔

سلطان خان نامی اشتہاری ڈی جی خان پولیس کو 2021ء سے قتل کے مقدمہ میں مطلوب تھا۔

دوسرے اشتہاری علی شیر نے فیصل آباد میں گذشتہ برس شہری کو گولی مار کر قتل کیا تھا.

جبکہ تیسرا اشتہاری بلال ندیم سیالکوٹ پولیس کو فراڈ کے مقدمہ میں مطلوب ہے.

ترجمان پنجاب پولیس کے مطابق انٹرپول سے ریڈ نوٹسز جاری کروا کر تینوں ملزمان کو گرفتار کیا.

پنجاب پولیس کے سپیشل آپریشنز سیل نے قانونی تقاضے پورے کرنے کے بعد ملزمان کی متحدہ عرب امارات سے پاکستان منتقلی کروائی.

ترجمان پنجاب پولیس کا کہنا ہے کہ سب انسپکٹر چمن شہزاد کی قیادت میں سپیشل آپریشن سیل کی ٹیم تینوں اشتہاریوں کو لے کر پاکستان روانہ ہو چکی ہے۔

سپیشل آپریشن سیل ٹیم اشتہاریوں کے ہمراہ اگلے چند گھنٹوں میں لاہور ائیر پورٹ پہنچے گی۔

ترجمان پنجاب پولیس کا کہنا ہے کہ رواں برس بیرون ملک سے گرفتار خطرناک اشتہاری مجرمان کی مجموعی تعداد 21 ہو گئی ہے۔

آئی جی پنجاب ڈاکٹر عثمان انور کی خطرناک اشتہاریوں کو بیرون ملک سے گرفتار کرنے پر سپیشل آپریشن سیل ٹیم کو شاباش دی۔