سابق آسٹریلوی کرکٹر شین واٹسن پاکستان کرکٹ ٹیم کے ہیڈ کوچ کی دوڑ سے دستبردار ہوگئے۔
کرکٹ کے خبر رساں ادارے کے مطابق شین واٹسن نے پاکستان کرکٹ ٹیم کے محدود اوورز کے ہیڈ کوچ کے لیے اپنی امیدواری واپس لے لی ہے جب کہ پی سی بی کا وہ پسندیدہ انتخاب تھے۔
پاکستان کرکٹ بورڈ نے شین واٹسن کو ایک پرکشش تںخواہ کی آفر کی تھی جس کے بعد شین واٹسن میں پاکستان کرکٹ ٹیم کی کوچنگ کے لیے دلچسپی پیدا ہوئی تھی۔
تاہم اب شین واٹسن نے اپنی موجودہ کوچنگ اور کمنٹری کی ذمہ داریوں کو برقرار رکھنے کا انتخاب کیا ہے جب کہ وہ پی ایس ایل 9 میں کوئٹہ گلیڈی ایٹرز کی کوچنگ کررہے ہیں، بعد ازاں وہ آئی پی ایل میں کمنٹری کریں گے۔
خیال رہے کہ پاکستان کرکٹ بورڈ شین واٹسن کے تمام مطالبات ماننے کو تیار ہوگیا تھا جس کے بعد شین واٹسن پاکستان کرکٹ کی تاریخ کے سب سے زیادہ معاوضہ لینے والے کوچ ہوتے۔
رپورٹ کے مطابق شین واٹسن کو سالانہ 2 ملین امریکی ڈالر کی پیشکش کی گئی تھی جو کہ ماہانہ تقریباً 4.6 کروڑ سے زائد بنتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News