پاکستان ہاکی فیڈریشن (پی ایچ ایف) کی صدر شہلا رضا نے عہدے سے استعفیٰ دے دیا ہے اور انہوں نے اس بات کی تصدیق کردی۔
نجی ٹی وی چینل سے بات کرتے ہوئے پاکستان پیپلزپارٹی کی رہنما اور پی ایچ ایف کی صدر شہلا رضا نے اپنے عہدے سے مستعفیٰ ہونے کی تصدیق کردی۔
انہوں نے کہا کہ میں نے 27 اپریل 2024 کو ہی بطور صدر پی ایچ ایف استعفیٰ دے دیا تھا، اپنا استعفیٰ وفاقی وزیر احسن اقبال اور رانا مشہود کو بھجوادیا ہے جب کہ پی ایچ ایف کانگریس کو بھی اپنا استعفیٰ پیش کردیا ہے۔
شہلا رضا کا کہنا تھا کہ حکومتی اجلاس میں جو وعدے کیے گئے تھے اس پر عمل درآمد نہیں کروایا گیا اور جو بات اجلاس میں طے ہوئی اس کو اہمیت نہیں دی گئی۔
انہوں نے کہا کہ ہم نے اجلاس میں کیمپ ایک کرنے کی بات کو تسلیم کیا تاکہ ٹیم ملائیشیا جاسکے لیکن پی ایچ ایف کے معاملے کے حل کے لیےکمیٹی بنانےکا کہا گیا وہ نہیں بنائی گئی۔
پی پی رہنما کا مزید کہنا تھا کہ حیدر حسین کو بطور سیکرٹری کام کرنے کا کہا گیا لیکن اس پر عمل نہیں کرواسکے، پی ایچ ایف کے آئین اور قوانین کی دھجیاں اڑا دی گئیں۔
انہوں نے کہا کہ اجلاس میں بھی ہم سب نے استعفیٰ دینےکی بات کہی تھی، اجلاس میں ہمیں استعفیٰ دینے سے روکا گیا تھا کہ آپ کی باتیں تسلیم کی جائیں گی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News