بغیر اجازت دوسری شادی کرنا مہنگا پڑگیا، سات ماہ قید اور بھاری جرمانہ

ویب ڈیسک

16th Mar, 2024. 10:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بغیر اجازت دوسری شادی کرنا مہنگا پڑگیا، سات ماہ قید اور بھاری جرمانہ

شوہر کو دوسری شادی کرنا مہنگا پڑگیا، عدالت نے سات ماہ قید اور بھاری جرمانہ کردیا۔

تفصیلات کے مطابق فیملی کورٹ لاہور کے جج عدنان لیاقت نے پہلی بیوی سے اجازت لیے بغیر دوسری شادی کرنے والے شخص کو سات ماہ قید اور پانچ لاکھ جرمانے کی سزا سنادی۔

درخواست گزار کی جانب سے بیرسٹر عثمان جی راشد چیمہ عدالت میں پیش ہوئے۔ فیملی کورٹ لاہور کے جج عدنان لیاقت نے زونا نصر کی درخواست پر فیصلہ سنایا۔

عدالت نے تحریری فیصلے میں کہا کہ محمد اورنگزیب خان نے پہلی بیوی کی اجازت کے بغیر دوسری شادی کی۔ دوسری شادی کے لیے قانونی طور پر تحریری اجازت لینا ضروری ہے۔

فیصلے میں کہا گیا کہ ملزم اورنگزیب خان نے دوسری شادی سے قبل پہلی بیوی سے اجازت نہ لے کر مسلم فیملی لاءآرڈینیس کے سیکشن چھ ( 5) کی خلاف ورزی کی ہے۔

عدالت نے اپنے فیصلے میں کہا کہ ملزم کو اجازت لیے بغیر دوسری شادی کرنے پر سات ماہ قید کی سزا دی جاتی ہے۔ ملزم اگر پانچ لاکھ جرمانہ ادا نہیں کرتا تو ایک ماہ مزید قید میں رکھا جائے۔