رواں برس کے ابتدائی دو ماہ میں ڈکیتی مزاحمت پر 31 شہری قتل

خرم گلزار

05th Mar, 2024. 11:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رواں برس کے ابتدائی دو ماہ میں ڈکیتی مزاحمت پر 31 شہری قتل

ایڈیشنل آئی جی کراچی خادم حسین رند کا اسٹریٹ کرائم کی وارداتوں میں کمی کا دعویٰ غلط نکلا، سال 2024 کے صرف ابتدائی دو ماہ میں ڈکیتی مزاحمت پر 31 شہری قتل کردیے گئے۔

سی پی ایل سی ذرائع کا کہنا ہے کہ شہر قائد میں اسٹریٹ کرائم اور موٹرسائیکل چوری کی وارداتوں میں کئی گنا اضافہ ہوا ۔جنوری اور فروری میں ریکارڈ توڑ واداتیں ہوئیں۔

رواں برس کے ابتدائی دو ماہ میں لوٹ مار،چوری، ڈکیتی، قتل وغارت گری، بھتہ اور اغواء برائے تاوان کی 15 ہزار سے زائد وارداتیں رپورٹ ہوئیں۔

سی پی ایل سی ذرائع کا کہنا ہے کہ دو ماہ کے دوران شہریوں سے موبائل فون چھیننے کی 4 ہزار 300 وارداتیں درج ہوئیں۔

جنوری اور فروری میں 270 سے زائد گاڑیاں چوری کی گئیں جبکہ اسلحے کے زور پر شہریوں کو 45 سے زائد قیمتی گاڑیوں سے محروم کیا گیا۔

شہریوں سے اسلحے کے زور پر 1565 موٹرسائیکلیں چھینی گئیں جبکہ 8 ہزار 255 موٹرسائیکلیں چوری ہونے کے واقعات درج ہوئے۔

گزشتہ سال 2023 کے ابتدائی دو ماہ کے مقابلے میں 2024 کے ابتدائی دو ماہ میں اسلحے کے زور پر گاڑیاں اور موٹر سائیکل چھیننے کی وارداتوں میں اضافہ ہوا ہے۔