وزیراطلاعات عطاتارڑ نے کہا ہے کہ یقین دلاتا ہوں سیاسی ورکرزکو ان کا مقام دلوائیں گے، کارکنوں کا استحصال کسی صورت نہیں ہونے دیں گے۔ 

لاہورمیں میڈیا سے گفتگو کرتے ہوئے وفاقی وزیراطلاعات عطا اللہ تارڑ نے کہا ہے کہ مسلم لیگ (ن) نے ہمیشہ خدمت کی سیاست کی ہے، مسلم لیگ (ن) ہمیشہ اپنے کارکنوں کی آواز بن کر کھڑی رہی ہے، عدالتیں ہوں، کچہریاں ہوں یا تھانے ہوں، عتیق چوہدری پارٹی کے ساتھ ہر جگہ کھڑے رہے.

عطاءاللہ تارڑنے کہا کہ سیاسی کارکن ہمارا اثاثہ ہیں، آج ہم اس مقام پر عتیق چوہدری جیسے کارکنوں کی وجہ سے پہنچے ہیں، عتیق چوہدری پارٹی کے بے لوث کارکن تھے جو مشکل وقت میں بھی پارٹی کے ساتھ کھڑے رہے، مخلص کارکن کبھی ضمیر کا سودا نہیں کرتے۔

وفاقی وزیراطلاعات نے کہا کہ مشکل وقت میں ساتھ دینے والوں کا چہرا ہمیشہ یاد رہتا ہے، عتیق چوہدری کے انتقال پر تعزیت کے لئے ان کے بچوں اور بیوہ سے ملاقات ہوئی، اللہ تعالیٰ عتیق چوہدری کے اہل خانہ کو صبر جمیل عطا فرمائے، میں نے ہمیشہ کارکنوں کی آواز بلند کی۔

عطاءاللہ تارڑنے کہا کہ کارکنوں کا استحصال کبھی نہیں ہونے دیں گے، ماضی کی حکومتوں میں ملک کے معاشی حالات بہت بہتر تھے، ماضی میں معاشی مسائل اتنے نہیں تھے،جتنےاب ہیں۔ تحریک انصاف کے دور میں معاشی مسائل تھے،معاشی مسائل حل کرنےکیلئےاقدامات کررہےہیں،خبرپڑھ رہاتھا مہنگائی میں 3 فیصد کمی جون تک آجائے گی۔

عطاتارڑکابینہ اجلاس میں بات کرینگےکہ وزارتوں سےباقاعدہ سوال کیاجائیگا،وزیراعظم وزراسے کارکردگی سےمتعلق پوچھیں گے، ظلم و بربریت میں ساتھ دینےوالےہمارااثاثہ ہیں، میں ہمیشہ کارکنوں کی آواز بن کر کھڑا ہوا ہوں، یقین دلاتاہوں سیاسی ورکرزکو ان کا مقام دلوائیں گے، کارکنوں کا استحصال کسی صورت نہیں ہونے دیں گے۔