وفاق اورخیبرپختونخوا کے درمیان چیف سیکرٹری کی تعیناتی کا تنازعہ حل نہ ہوسکا

ویب ڈیسک

23rd Mar, 2024. 08:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاق اورخیبرپختونخوا کے درمیان چیف سیکرٹری کی تعیناتی کا تنازعہ حل نہ ہوسکا

پشاور: وفاق اورخیبرپختونخوا کے درمیان تنازعہ کے بعد چیف سیکرٹری خیبر پختونخوا کی تعیناتی کا معاملہ ابھی تک حل نہیں ہوسکا۔

ذرائع کے مطابق وفاق اورخیبرپختونخوا کے درمیان چیف سیکرٹری کی تعیناتی کا تنازعہ حل نہیں ہوسکا ہے جب کہ وفاقی حکومت نے ابھی تک کے پی کے لیے چیف سیکرٹری کے نام کی منظوری نہیں دی ہے۔

ذرائع کا کہنا ہے کہ چیف سیکرٹری کی تعیناتی کے لیے وزیراعلی کے پی نے وفاق کو تین نام دیے تھے، وفاق کو شہاب علی شاہ، منیر اعظم اور ڈاکٹرشہزاد بنگش کے نام بھیجے گئے تھے۔

ذرائع نے بتایا کہ وزیراعلیٰ علی امین گنڈاپور نے شہاب علی شاہ کو چیف سیکرٹری لگانے کی سفارش کی تھی۔

ترجمان کے پی حکومت بیرسٹر محمد علی سیف کہتے ہیں کہ شہاب علی شاہ نے صوبے میں اہم عہدوں پر کام کیا ہے۔

بیرسٹر سیف کا کہنا تھا کہ شہاب علی شاہ تجربہ کار آفیسر ہیں، اسی لیے وفاق سے ان کی خدمات مانگی ہیں، ہر صوبائی حکومت کا حق ہے کہ وہ اپنی مرضی کی ٹیم بنائے۔