اسرائیلی ایئرپورٹ پر ڈرون حملہ

ویب ڈیسک

06th Mar, 2024. 02:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیلی ایئرپورٹ پر ڈرون حملہ

عراق کے مزاحمتی گروپ نے اسرائیلی ایئر پورٹ کے پاور پلانٹ کو ڈرون حملے سے نشانہ بنایا ہے۔

غیر ملکی خبر رساں ادارے کے مطابق اسرائیل کے ساحلی شہر حیفہ کے ایئرپورٹ پر ڈرون حملہ کیا گیا ہے جب کہ یہ حملہ پاور پلانٹ پر کیا گیا ہے جس کے باعث بجلی فراہمی کے مرکز میں آگ لگ گئی۔

رپورٹ کے مطابق عراقی گروپ نے اسرائیلی شہر حیفہ کے ایئرپورٹ پر ڈرون حملے کی ذمہ داری قبول کی ہے جب کہ اسرائیل کی غزہ میں فلسطینیوں کے قتلِ عام پر علاقائی عسکریت پسندوں کی جوابی کارروائیاں جاری ہیں۔

خیال رہے کہ گذشتہ سال اکتوبر میں طوفان الاقصیٰ آپریشن کے آغاز کے بعد سے یمنی فورسز اور عراق کی اسلامی مزاحمتی تنظیم نے غزہ کی مظلوم عوام کی حمایت کا اعلان کرتے ہوئے مقبوضہ بندرگاہ ایلات کو متعدد بار نشانہ بنایا تھا۔

اسرائیلی حملوں کے نتیجے میں اب تک 30 ہزار سے زائد فلسطینی شہید ہوچکے ہیں جن میں زیادہ تر خواتین اور بچے شامل ہیں جب کہ 68 ہزار سے زائد فلسطینی زخمی ہوچکے ہیں۔

اسرائیل نے گنجان آباد علاقے کا مکمل محاصرہ کر رکھا ہے جب کہ اسرائیل نے وہاں رہنے والے بیس لاکھ سے زائد فلسطینیوں کا ایندھن، بجلی، خوراک اور پانی بند کردیا ہے۔