نادرا سے 27 لاکھ شہریوں کا ڈیٹا چوری ہونے کے بڑے اسکینڈل کی تحقیقات

ویب ڈیسک

26th Mar, 2024. 10:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نادرا سے 27 لاکھ شہریوں کا ڈیٹا چوری ہونے کے بڑے اسکینڈل کی تحقیقات

نادرا سے شہریوں کا ڈیٹا چوری ہونے بڑے اسکینڈل کی تحقیات مکمل ہو گئی ہیں۔

ذرائع کے مطابق نادار سے شہریوں کا ڈیٹا لیک اسکینڈل تحقیقات کے لیے قائم جے آئی ٹی نے کام مکمل کرلیا۔

ذرائع کا کہنا ہے کہ جے آئی ٹی رپورٹ میں 27 لاکھ پاکستانیوں کا ڈیٹا چوری ہونے کی تصدیق کی گئی ہے۔

مشترکا تحقیقاتی ٹیم نے نادرا ڈیٹا لیک اسکینڈل پر تحقیقاتی رپورٹ مکمل کر لی اور جے آئی ٹی نے رپورٹ وزارت داخلہ میں جمع کرا دی ہے۔

ذرائع کا کہنا ہے کہ نادرا سے شہریوں کا ڈیٹا 2019 سے 2023 کے دوران چوری کیا گیا۔

نادرا ڈیٹا چوری اسکینڈل کی رپورٹ پر وزارت داخلہ میں غور جاری ہے جبکہ ڈیٹا لیک اسکینڈل میں ملتان، پشاور اور کراچی کے نادرا دفاتر ملوث پائے گئے ہیں۔

ذرائع کا کہنا ہے کہ جے آئی ٹی رپورٹ میں نادرا کے متعدد اعلی افسران کے خلاف کاروائی کی سفارش کردی گئی ہے۔

نادرا کا ڈیٹا ملتان سے پشاور اور پھر دبئی گیا اور نادرا ڈیٹا کے ارجنٹائن اور رومانیہ میں فروخت ہونے کے شواہد بھی ملے ہیں۔

ذرائع کے ماطبق مشترکہ تحقیقاتی ٹیم کی سربراہی ایف آئی اے کے وقارالدین سید نے کی، جبکہ جے آئی ٹی میں حساس اداروں سمیت نادرا کے نامزد افسران بھی شامل تھے۔