پاکستان بار کونسل نے پی ٹی آئی کا چیف جسٹس سے استعفی کا مطالبہ مسترد کر دیا

ویب ڈیسک

30th Mar, 2024. 10:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان بار کونسل نے پی ٹی آئی کا چیف جسٹس سے استعفی کا مطالبہ مسترد کر دیا

پاکستان بار کونسل نے تحریک انصاف کی جانب سے چیف جسٹس قاضی فائز عیسیٰ سے استعفی کا مطالبہ مسترد کردیا۔

پاکستان بار کونسل نے پی ٹی آئی کا چیف جسٹس کے استعفی کا مطالبہ مسترد کرتے ہوئے جسٹس تصدق جیلانی پر مشتمل کمیشن کو بھی خوش آئیند قرار دے دیا۔

پاکستان بار کونسل کی جانب سے جاری کردہ اعلامیے کے مطابق پاکستان بار کونسل نے ہائیکورٹ ججز کے معاملہ پر چیف جسٹس پر تنقید کو بھی مسترد کردیا۔

اعلامیہ میں کہا گیا ہے کہ معاملہ پر پاکستان بار غور و فکر کیلئے جلد جنرل باڈی اجلاس بلائے گی۔

بار کونسل نے اعلامیے میں کہا کہ چھ ججز کے خط کے معاملے پر تحقیقات ہونی چاہیے اور ججز کے الزام ثابت کو پر کاروائی ہونی چاہیے۔

اعلامیہ کے مطابق ججز کو تحفظ اور پرائیوسی فراہم کرنا ریاست کی ذمہ داری ہے اور کسی ادارے کو بھی عدلیہ میں مداخلت کا اختیار نہیں۔

پاکستان بار کونسل کے اعلامیے کے مطابق پاکستان بار کونسل اور وکلا برادری چیف جسٹس قاضی فائز عیسیٰ اور عدلیہ کے ساتھ ہے۔