چیئرمین پاکستان کرکٹ بورڈ محسن نقوی نے پی سی بی کے ڈائریکٹرز سے اہم ملاقات کی ہے۔
چیئرمین پی سی بی محسن نقوی کو تمام ڈائریکٹرز نے اپنے اپنے شعبوں کی کارکردگی اور متعلقہ امور کے بارے میں بریفنگ دی۔
چئیرمین پی سی بی محسن نقوی نے بورڈ کے وسائل میں اضافے کا پلان طلب کرلیا جب کہ محسن نقوی نے ہدایت دی کہ پی سی بی کا ریونیو جنریشن کا قابل عمل پلان تیار کیا جائے۔
چیئرمین پی سی بی نے ڈائریکٹرز مارکیٹنگ، اسٹیٹ اور کمرشل کو ریونیو جنریشن کا پلان مرتب کرنے کا ٹاسک دے دیا۔
محسن نقوی نے کہا کہ نیشنل کرکٹ اکیڈمی کو بہتر بنانا ہے تاکہ کھلاڑیوں کو زیادہ سہولتیں میئسر ہوں، کرکٹ کے فروغ کے لئے ہر سطح پر جامع حکمت عملی ترتیب دی جائے۔
ان کا کہنا تھا کہ پی سی بی کو لیڈنگ ادارہ بنانے کے لیے تمام تر کاوشیں بروئے کار لائے جائیں، اجلاس میں پی ایس ایل کو زیادہ دلچسپ بنانے اور خواتین کرکٹرز کے لئے پی ایس ایل شروع کرنے کی تجاویز دیں۔
تمام ڈائریکٹرز نے اپنے شعبوں کے امور کے بارے میں آگاہ کیا جب کہ چیئرمین پی سی بی محسن نقوی نے بورڈ کے ایشوز کو جلد حل کرنے کی یقین دہانی کرائی۔
چیف آپریٹنگ آفیسر سلمان نصیر اور پی ایس ایل لیگ کی کمشنر بھی اس موقع پر موجود تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News