امریکی صدر جو بائیڈن نے واشنگٹن پریس ڈنر میں سابق صدر ڈونلڈ ٹرمپ پر شدید تنقید کی۔

امریکی صدر جو بائیڈن نے ہفتے کے روز ایک سالانہ میڈیا ڈنر کے دوران ڈونلڈ ٹرمپ اور ان کی اپنی عمر کے بارے میں مذاق اڑایا اور اس کے بعد نومبر میں ہونے والے صدارتی انتخابات میں اپنے حریف پر شدید تنقید کی۔

واشنگٹن کے گرڈیرون کلب میں 81 سالہ ڈیموکریٹک امیدوار نے طنز کرتے ہوئے کہا کہ ایک امیدوار صدر بننے کے لیے بہت بوڑھا اور ذہنی طور پر نااہل ہے۔ دوسرا آدمی میں ہوں۔

ڈیموکریٹک پارٹی سے تعلق رکھنے والے جو بائیڈن امریکی میڈیا اور سیاسی اشرافیہ کے لیے سالانہ وائٹ ٹائی گالا میں بطور صدر اپنی پہلی تقریر کر رہے تھے۔

بائیڈن کئی سروے میں پیچھے ہیں اور انہیں اپنی عمر کے بارے میں رائے دہندگان کے خدشات کا سامنا ہے، جسے انہوں نے 77 سالہ ٹرمپ کی حالیہ زبانی غلطیوں کو اجاگر کرکے دور کرنے کی کوشش کی ہے۔

اپنے ریمارکس میں بائیڈن نے کانگریس میں ریپبلکنز کو تنقید کا نشانہ بنایا جنہوں نے ان کے بیٹے کے کاروباری لین دین کے حوالے سے مواخذے کی تحقیقات کا آغاز کیا ہے۔

آئرش وزیر اعظم لیو وراڈکر اور بائیڈن دونوں نے جمعے کے روز وائٹ ہاؤس میں ایک ملاقات کے دوران کانگریس میں ریپبلکنز پر زور دیا کہ وہ روس کے حملے سے لڑنے کے لیے یوکرین کے لیے فوجی امداد روکنا بند کر دیں۔