عالمی کرکٹ کے اہم رکن جنوبی افریقہ، نیوزی لینڈ اور پاکستان اگلے سال 3 ملکی ٹورنامنٹ میں حصہ لیں گے جو پاکستان میں ہو گاْ۔

تفصیلات کے مطابق پاکسان کرکٹ بورڈ نے اعلان کیا ہے کہ اگلے سال کے آغاز میں پاکستان، نیوزی لینڈ اور جنوبی افریقہ کے مابین 3 ملکی ٹورنامنٹ کھیلا جائے گا، جس کی میزبانی پاکستان کرے گا۔

3 ملکی ٹورنامنٹ کے حوالے سے پی سی بی کے چیئرمین محسن نقوی کی آج  نیوزی لینڈ اور جنوبی افریقہ کرکٹ بورڈ کے چیئرمینوں سے ملاقات ہوئی جس میں مجوزہ 3 ملکی ٹورنامنٹ کو فائنل کیا گیا ہے۔

پی سی بی کے ترجمان کے مطابق تینوں کرکٹ بورڈ کے سربراہان کے درمیان دبئی میں ایک میٹنگ ہوئی جس میں اگلے سال فروری 2025 میں ایونٹ کے انعقاد کو اتفاق رائے سے منظور کر لیا گیا ہے۔

اس میٹنگ میں پی سی بی چیئرمین محسن نقوی کے علاوہ جنوبی افریقہ کرکٹ بورڈ کے چیئرمین بورڈ لاسن نیڈوو اور نیوزی لینڈ کرکٹ بورڈ کے چیئرمین راجر ٹوس شامل تھے۔

اس میٹنگ کی تفصیلات کے مطابق جنوبی افریقہ اور نیوزی لینڈ کی کرکٹ ٹیمیں اگلے سال جنوری کے اواخر میں پاکستان آئیں گے۔

پی سی بی کے چیئرمین محسن نقوی نے جنوبی افریقہ اور نیوزی لینڈ کرکٹ بورڈز کے سربراہان کا شکریہ ادا کرتے ہوئے کہا کہ یہ ایک تاریخی دن ہے کیونکہ کئی سالوں کے بعد ملک میں تین ملکی ٹورنامنٹ ہونے جا رہا ہے۔