پاک بیلاروس تعلقات کے 30 برس، پاکستان سفارت خانے میں استقبالیہ تقریب

ویب ڈیسک

06th Mar, 2024. 08:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بیلاروس تعلقات کے 30 برس، پاکستان سفارت خانے میں استقبالیہ تقریب

84 واں یوم پاکستان اور پاک بیلاروس سفارتی تعلقات کے 30 برس مکمل ہونے پر پاکستانی سفارت خانے میں استقبالیہ تقریب منعقد کی گئی۔

تفصیلات کے مطابق بیلاروس کے دارالحکومت منسک میں پاکستانی سفارت خانےمیں 84 واں یوم پاکستان اور پاک بیلاروس سفارتی تعلقات کے حوالے سے استقبالیہ تقریب کا اہتمام کیا گیا۔

بیلاروس کے وزیر توانائی وکٹر کرانکووچ استقبالیہ تقریب کےمہمان خصوصی تھے۔

تقریب میں دیگرممالک کےسفراء، بیلاروس کے حکام اور میڈیا کے نمائندوں نے بھی شرکت کی۔

اس موقع پر سفیر پاکستان سجاد حیدر نے بانی پاکستان قائداعظم کو خراج عقیدت پیش کیا۔

سفیر پاکستان نے کہا کہ پاکستان 24 کروڑ آبادی کے ساتھ دنیا کا دوسرا بڑا مسلمان ملک ہے، اور 1.283 کھرب ڈالر کی معیشت کے ساتھ پاکستان بڑی معیشت ہے۔

انہوں نے کہا کہ دنیا بھر میں مقیم پاکستانی سالانہ 30 ارب ڈالر کی ترسیلات زر بھیجتے ہیں۔

سفیرپاکستان سجاد حیدر خان نے ملکی معیشت کی ترقی میں اوورسیز پاکستانیوں کے کردار کو سراہا اور حمایت وتعاون پربیلاروس کی حکومت سے اظہار تشکر کیا اور کہا کہ آنے والے برسوں میں پاک بیلاروس تعلقات مزید مضبوط ہوں گے۔