آصف زردرای کو تاجکستان کے صدر کا تہنیتی ٹیلی فون

ویب ڈیسک

11th Mar, 2024. 08:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آصف زردرای کو تاجکستان کے صدر کا تہنیتی ٹیلی فون

اسلام آباد: صدر مملکت آصف علی زرداری کو تاجکستان کے صدر امام علی رحمان کا تہنیتی ٹیلی فون۔

تاجک صدر نے آصف علی زرداری کو پاکستان کا صدر منتخب ہونے پر تہہ دل سے مبارک باد پیش کی، دونوں صدور نے باہمی دلچسپی کے شعبوں میں دوطرفہ تعاون مزید مضبوط بنانے کی خواہش کا اعادہ کیا۔

صدر مملکت آصف علی زرداری نے کہا کہ پاکستان برادر ملک تاجکستان کے ساتھ تعلقات کو خصوصی اہمیت دیتا ہے۔ پاکستان اور تاجکستان کے تعلقات مشترکہ مذہب، ثقافت اور تاریخ پر مبنی ہیں۔

آصف علی زرداری کا مزید کہنا تھا کہ دونوں ممالک کے مابین دوطرفہ تعاون مزید بہتر بنانے کیلئے مل کر کام کرنا ہوگا۔

صدر مملکت نے آبی وسائل کے اہم شعبے میں تاجکستان کے ساتھ کام کرنے کی خواہش کا اظہار کیا جب کہ آصف علی زرداری نے رمضان المبارک کے بابرکت مہینے کے آغاز پر تاجک صدر کو مبارکباد بھی پیش کی۔

صدرِ پاکستان نے تاجک صدر کو آنوروز کی آمد پر بھی مبارکباد دی جب کہ تاجکستان کے صدر نے صدر مملکت کو دورہ تاجکستان کی دعوت دی۔

صدر مملکت آصف علی زرداری نے مبارکباد کے پیغام ، نیک خواہشات پر تاجک ہم منصب کا شکریہ ادا کیا۔