اسلام آباد ہائی کورٹ کے ججز کے خط، سندھ ہائی کورٹ بار کا جوڈیشل کمیشن کی تشکیل کا مطالبہ

ویب ڈیسک

27th Mar, 2024. 03:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد ہائی کورٹ کے ججز کے خط، سندھ ہائی کورٹ بار کا جوڈیشل کمیشن کی تشکیل کا مطالبہ

کراچی: سندھ ہائیکورٹ بار نے اسلام آباد ہائی کورٹ کے ججز کے خط پر تحقیقات کے لیے جوڈیشل کمیشن کی تشکیل کا مطالبہ کردیا۔

سندھ ہائی کورٹ بار ایسوسی ایشن کا ہنگامی اجلاس ہوا جس کا اعلامیہ جاری کردیا گیا ہے جب کہ اجلاس میں اسلام آباد ہائی کورٹ کے ججز کا سپریم جوڈیشل کونسل کو لکھے گئے خط کا جائزہ لیا گیا۔

اعلامیہ میں کہا گیا ہے کہ سندھ ہائی کورٹ بار اسلام آباد ہائی کورٹ کے ججز کے خط پر تحقیقات کے لیے جوڈیشل کمیشن کی تشکیل کا مطالبہ کرتا ہے، سپریم کورٹ کے تین ججز پر مشتمل جوڈیشل کمیشن تشکیل دیا جائے۔

اعلامیہ میں سندھ ہائیکورٹ بار ایسوسی ایشن نے عدالتی معاملات میں مداخلت پر تشویش کا اظہار کیا جب کہ ان کا کہنا تھا کہ اداروں کے مداخلت عدلیہ کی غیر جانبداری اور عدالتی نظام پر ضرب لگانے کے مترادف ہے۔

اعلامیہ میں مزید کہا گیا تھا کہ اسلام آباد ہائی کورٹ کے ججز کا مداخلت کو بے نقاب کرنا قابل تعریف عمل ہے۔