سندھ رینجرز اور پولیس کی کچے کے علاقے میں کارروائیاں

ویب ڈیسک

22nd Mar, 2024. 07:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ رینجرز اور پولیس کی کچے کے علاقے میں کارروائیاں

سندھ رینجرز اور پولیس کی اندرون سندھ کچے کے علاقے میں ڈکیتوں اور جرائم پیشہ افراد کے خلاف کاروائیاں جاری ہیں۔

ترجمان سندھ رینجرز کا کہنا ہے کہ اندرون سندھ ضلع کندھ کوٹ تحصیل تنگوانی کے گاؤں سیفل لارو میں رینجرز اور پولیس نے خفیہ معلومات کی بنیاد پر مشترکہ کارروائی کی۔

کارروائی میں قتل، اقدام قتل، ڈکیتی، اغواء برائے تاوان اور سہولت کاری میں ملوث 21 ملزمان کو گرفتار کرکے بگی گینگ کی پناہ گاہوں کو بھی مسمار کردیا گیا۔

ترجمان سندھ رینجرز کے مطابق گرفتار ملزمان مبینہ طور پر گزشتہ دنوں اندرون سندھ کشمور کے پرائمری اسکول میں تعینات ٹیچر اللہ رکھیو نیندوانی کے قتل اور سہولت کاری میں ملوث ہیں۔

گرفتار ملزمان میں مرکزی سہولت کار امان اللہ،اس کا بیٹا اور مقامی وڈیرہ یار محمد بھی شامل ہیں، جس نے بگی گینگ کے سرغنہ اور ان کے اہلِ خانہ کو پناہ دی تھی۔

گینگ کشمور کے مختلف علاقوں جس میں ٹُل، تنگوانی، کند ھ کوٹ اور دیگر علاقوں میں مجرمانہ سرگرمیوں میں ملوث ہے، گرفتار ملزمان کو مزید قانونی کاروائی کے لیئے پولیس کے حوالے کردیا گیا ہے۔

سندھ رینجرز کے ترجمان کا مزید کہنا تھا کہ عوام ڈاکوؤں کو پناہ دینے والے عناصر اور دیگر بااثر افراد کی نشاندہی کریں۔