میر علی میں شہید ہونے والے فوجیوں کی نماز جنازہ ادا

ویب ڈیسک

16th Mar, 2024. 08:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میر علی میں شہید ہونے والے فوجیوں کی نماز جنازہ ادا

میر علی میں شہید ہونے والے فوجیوں کو پورے فوجی اعزاز کے ساتھ سپردخاک کیا جائے گا۔

پاک فوک کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے میر علی میں شہید ہونے والے لیفٹیننٹ کرنل سید کاشف علی اور کیپٹن محمد احمد بدرکی نمازجنازہ بنوں کینٹ میں ادا کی گئی۔

آئی ایس پی آر کا کہنا ہے کہ شہید حوالدار صابر، نائیک خورشید، سپاہی ناصر، سپاہی راجہ اور سپاہی سجاد کی نماز جنازہ بھی ادا کردی گئی ہے۔

پاک فوک کے شعبہ تعلقات عامہ نے بتایا کہ نماز جنازہ میں جے او سی میجر جنرل انجم ریاض سمیت بڑی تعداد میں عسکری وسول حکام نے شرکت کی۔

آئی ایس پی آر نے کہا کہ شہدا کو آبائی علاقوں میں پورے فوجی اعزاز کے ساتھ سپرد خاک کیا جائے گا۔

آئی ایس پی آر کا مزید کہنا تھا کہ فوج دفاع وطن کیلئے خون کے آخری قطرے تک جانوں کا نذرانہ پیش کرتی رہے گی۔

واضح رہے کہ سیکیورٹی فورسز کے اہلکار شمالی وزیرستان میں دہشت گردوں کی دراندازی کی کوشش کو ناکام بناتے ہوئے شہید ہوئے تھے۔