ایف آئی اے کی کارروائی، حوالہ ہنڈی میں ملوث منظم گینگ گرفتار

ویب ڈیسک

11th Mar, 2024. 09:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف آئی اے کی کارروائی، حوالہ ہنڈی میں ملوث منظم گینگ گرفتار

ایف آئی اے کمرشل بینکنگ سرکل کراچی نے ایک کارروائی کے دوران حوالہ ہنڈی میں ملوث منظم گینگ کو گرفتار کر لیا ہے۔

ترجمان ایف آئی اے کے مطابق حوالہ ہنڈی میں ملوث منظم گینگ کے تین ملزمان کو گرفتار کیا گیا ہے، ملزمان کو کراچی کے علاقے گلشن اقبال سے گرفتار کیا گیا۔

گرفتار ملزمان میں منور حسین، محمد زبیر اور محمد آصف شامل ہیں، ملزمان حوالہ ہنڈی اور کرنسی کی غیر قانونی ایکسچینج میں ملوث تھے۔

ترجمان ایف آئی اے کا کہنا ہے کہ ملزمان کے قبضے سے 900 امریکی ڈالر،17 لاکھ 30 ہزار روپے اور موبائل فونز برآمد کرلئے گئے ہیں۔

ملزمان برآمد ہونے والی کرنسی کے حوالے سے حکام کو مطمئن نہ کرسکے، ملزمان کے موبائل فونز سے حوالہ ہنڈی سے متعلق پیغامات بھی برآمد کرلئےگئے ہیں۔

ترجمان ایف آئی اے کا مزید کہنا ہے کہ ملزمان کو گرفتار کر کے تفتیش کا آغاز کردیا گیا ہے جبکہ دیگر ملزمان کی گرفتاری کے لئے چھاپے مارے جارہے ہیں۔