ہم ابھرتے خطرات کے خلاف تیار رہتے ہیں، میتھیو ملر

ویب ڈیسک

29th Mar, 2024. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم ابھرتے خطرات کے خلاف تیار رہتے ہیں، میتھیو ملر

واشنگٹن: ترجمان امریکی محکمہ خارجہ میتھیو ملر کا کہنا ہے کہ ہم ابھرتے خطرات کے خلاف تیار رہتے ہیں۔

حال ہی میں ترجمان امریکی محکمہ خارجہ میتھیو ملر نے پریس کانفرنس کی جس میں کالعدم داعش کے خطرات کے حوالے سے ان سے سوالات پوچھے گئے۔

ایک صحافی نے سوال کیا کہ امریکہ افغانستان میں دہشت گردوں کے خلاف کیا کارروائی کر رہا ہے؟ جس پر انہوں نے جواب دیا ’’ہم ابھرتے خطرات کے خلاف تیار رہتے ہیں‘‘۔

ترجمان امریکی محکمہ خارجہ کہتے ہیں ’’دہشت گرد گروہوں کو فروری 2022 میں صدر کے حکم پر نشانہ بنایا، کالعدم داعش کے رہنما حاجی عبداللہ پرکامیاب فضائی حملہ کیا گیا جب کہ کابل میں کارروائی کے دوران القاعدہ کا امیر بھی مارا گیا‘‘۔

میتھیو ملر نے کہا کہ امریکہ دہشت گردانہ حملے روکنے کے لیے کام جاری رکھے گا، طالبان عالمی برادری سے اپنے تمام وعدوں کو پورا کرے، طالبان دہشت گردوں کو کوئی محفوظ جگہ نہ دیں۔

ان کا کہنا تھا کہ دہشت گردوں کے بڑھتے ہوئے خطرے کے خلاف چوکس رہیں گے جب کہ امریکہ چاہتا ہے کہ افغانستان دوبارہ دہشت گردی کے لیےاستعمال نہ ہو۔

انہوں نے مزید کہا کہ طالبان عالمی برادری سے کیے گئے وعدوں کو پورا کرے اور افغان طالبان دہشت گردوں کومحفوظ پناہ گاہیں نہ دیں۔