امریکہ اسرائیل کو مزید بم اور جنگی طیارے بھیجنے پر رضامند

ویب ڈیسک

30th Mar, 2024. 02:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکہ اسرائیل کو مزید بم اور جنگی طیارے بھیجنے پر رضامند

واشنگٹن: امریکہ نے اسرائیل کو ایک بار پھر اربوں ڈالر کے لڑاکا طیارے اور بم بھیجنے کا گرین سگنل دے دیا

غیر ملکی خبر رساں ادارے کے مطابق امریکہ نے اسرائیل کو غزہ پر حملوں کے لئے ہزاروں پاؤنڈ بم اور جدید لڑاکا طیارے دینے کی منظوری دے دی۔

رپورٹ کے مطابق یہ فیصلہ امریکی وزیر دفاع لائیڈ آسٹن کی اسرائیلی وزیر دفاع سے حالیہ ملاقات کے بعد سامنے آیا ہے جس میں اسرائیلی وزیر نے ہتھیاروں کی ضروریات پر زور دیا تھا۔

رپورٹ میں کہا گیا ہے کہ نئے ہتھیاروں کے پیکج میں 1800 ایم کے84، 2 ہزار پاؤنڈ بم اور 500 ایم کے 82، 500 پاؤنڈ بم شامل ہیں جس کی تصدیق واشنگٹن پوسٹ کی ایک رپورٹ سے بھی ہوتی ہے۔

خیال رہے کہ امریکہ اپنے دیرینہ اتحادی اسرائیل کو 3.8 بلین ڈالر سالانہ فوجی امداد دیتا ہے جب کہ یہ پیکج ایک ایسے وقت میں سامنے آیا ہے جب اسرائیل کو غزہ میں مسلسل بمباری اور زمینی کارروائی پر سخت بین الاقوامی تنقید کا سامنا ہے۔

دوسری جانب وائٹ ہاؤس نے ہتھیاروں کی منتقلی پر تبصرہ کرنے سے انکار کردیا جب کہ واشنگٹن میں اسرائیلی سفارت خانے نے بھی فوری طور پر کسی بھی قسم کے تبصرے سے گریز کیا۔