یوم پاکستان کے موقع پر سول ایوارڈز کے لیے کل ایوان صدر میں خصوصی تقریب منعقد کی جائے گی۔

تفصیلات کے مطابق سول ایوارڈز کے لیے کل یوم پاکستان کے موقع پر اہم شخصیات کو ایوان صدر میں تقریب منعقد کی جائے گی، جس میں اہم شخصیات کو سول ایوارڈز سے نوازا جائے گا۔

کورونا کے دوران شہید 299 افراد کو تمغہ امتیاز سے نوازا جائے گا۔

اہم شخصیات میں قائم علی شاہ، ظفرالحق، شمشاداختر سمیت7 افراد کو نشان امتیاز سے نوازا جائے گا۔

مفتی عبدالشکورمرحوم، طارق فاطمی، امجد ثاقب کو ہلال امتیاز سے نوازا جائے گا۔

طارق پاشا، ناصر محمود کھوسہ، فواد حسن فواد کو ہلال امتیاز سے نوازا جائے گا۔

عرفان صدیقی سمیت 4 افراد کو تمغہ خدمت سے نوازا جائے گا، جبکہ مشتاق سکھیرا کو ہلال شجاعت سے نوازا جائے گا۔

حکومت پاکستان کی جانب سے161 افراد کو تمغہ امتیاز سے نوازا جائے گا، فن کے شعبے میں واسع چوہدری، سجل علی اور جگن کاظم کو تمغہ امتیاز سے نوازا جائے گا۔

شہباز قمر، عمران عزیز اور استاد رستم فتح علی خان کو بھی تمغہ امتیاز سے نوازا جائے گا۔

جرأت و بہادری پر 25 افراد کو تمغہ شجاعت سے نوازا جائے گا، شازیہ منظور، عدنان صدیقی اور شیما کرمانی کو صدارتی ایوارڈ سے نوازا جائے گا۔

عنایت حسین بھٹی مرحوم کو بھی صدارتی ایوارڈ برائے حسن کارکردگی سے نوازا جائے گا۔