سعودی عرب میں سرکاری اور نجی شعبے کے ملازمین کے لیے عید الفطر کی 6 روزہ تعطیلات کا اعلان کر دیا ہے۔

سعودی عرب کی وزارت برائے انسانی وسائل و سماجی ترقی کے اعلان کے مطابق سرکاری اور نجی شعبے کے ملازمین کو اپریل میں عید الفطر پر 4 دن کی چھٹی ملے گی۔

مملکت میں زیادہ تر ملازمین کے لیے 8 اپریل سے ایک ہفتے کی تعطیلات کا آغاز ہوگا۔

حکام نے اعلان کیا کہ زیادہ تر ملازمین کو پیر 8 اپریل (29 رمضان 1445) سے چار دن کی چھٹی ملے گی۔

چونکہ جمعہ اور ہفتہ مملکت میں ہفتے کے آخر کے سرکاری دن ہیں ، لہذا سعودی شہری مسلسل چھ دن کی چھٹی سے لطف اندوز ہوں گے۔ ملازمین 14 اپریل (اتوار) کو کام پر واپس آئیں گے۔

وزارت نے یہ بھی کہا کہ آجروں کو لیبر لاء کے ایگزیکٹو ریگولیشن کے آرٹیکل 24 کے دوسرے پیراگراف میں طے شدہ باتوں پر عمل کرنا ہوگا۔

عید الفطر 11 مارچ سے شروع ہونے والے مقدس مہینے رمضان کے اختتام کی علامت ہے۔ رمضان المبارک کے دوران دنیا بھر کے مسلمان صبح سے شام تک روزہ رکھتے ہیں اور اپنے آپ کو روحانی کاموں کے لیے وقف کر دیتے ہیں۔

اسلامی قمری کیلنڈر کے مطابق، رمضان نویں مہینے میں آتا ہے، جو سال میں 354 یا 355 دنوں پر مشتمل ہوتا ہے.

یہ چاند کی رویت پر منحصر ہے کہ رمضان 29 یا 30 دن کا ہوسکتا ہے۔ عید الفطر یکم شوال کو منائی جاتی ہے، جو رمضان کے بعد آنے والا مہینہ ہے۔