برطانیہ میں مہنگائی بڑھنے کی شرح ڈھائی برس کی کم ترین سطح پر آگئی

ویب ڈیسک

21st Mar, 2024. 02:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں مہنگائی بڑھنے کی شرح ڈھائی برس کی کم ترین سطح پر آگئی

لندن: فروری میں مہنگائی کی شرح 3.4 فیصد رہنے کے بعد برطانیہ میں مہنگائی بڑھنے کی شرح ڈھائی برس کی کم ترین سطح پر آگئی ہے۔

غیر ملکی خبر رساں ادارے کے مطابق فروری میں مہنگائی کی شرح 3.4 فیصد رہی جس کی ایک بڑی وجہ کھانے پینے کی اشیا کا سستا ہونا ہے۔

وزیرخزانہ جیرمی ہنٹ صورت حال کو حوصلہ افزاء قرار دیتے ہوئے کہتے ہیں کہ اس کا سہرا وزیراعظم رشی سوناک کے سرجاتا ہے۔

انہوں نے کہا کہ یہ ڈھائی سال کے دوران مہنگائی کی کم ترین شرح ہے۔ اس سے قبل کھانے پینے کی اشیاء میں مہنگائی کی شرح 20 فیصد تھی جو اب 5 فیصد پر ہے

ان کا مزید کہنا تھا کہ یہ آئندہ مالی سال میں بہت بڑا فرق ثابت ہوگی، اس حوالے سے وزیراعظم رشی سونک کا منصوبہ کام کررہا ہے۔

ماہرین کے مطابق نئے مالی سال میں امیروں پر ٹیکس عائد کرنا قرار دی جارہی ہے۔

اس کے ساتھ ہی بینک آف انگلینڈ نے بھی شرح سود پر نظرثانی کا اعلان کردیا جس سے تعمیرات اور رہائش کے سیکٹر میں بھی قیمتوں کے نیچے آنے کا امکان ہے۔