بلوچستان میں صوبائی کابینہ کی تشکیل میں تاخیر

ویب ڈیسک

20th Mar, 2024. 02:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان میں صوبائی کابینہ کی تشکیل میں تاخیر

کوئٹہ: بلوچستان میں صوبائی کابینہ کی تشکیل تاخیر کا شکار ہوگئی ہے۔

تین صوبوں میں صوبائی کابینہ تشکیل پانے کے بعد بلوچستان میں تاحال کابینہ تشکیل نہیں دی جاسکی ہے جب کہ کابینہ کی تشکیل میں تاخیر کی وجہ اتحادیوں میں اعتماد کا فقدان ہے۔

پیپلز پارٹی اور ن لیگ کے درمیان وزارتوں کی تقسیم کے فارمولے پر تاحال اتفاق نہیں ہوسکا ہے، اٹھارویں ترمیم کے تحت بلوچستان کابینہ میں وزراء کی تعداد 14 جب کہ مشیران کی تعداد 5 ہے۔

ن لیگ کی جانب سے 8 وزارتیں اور 2 مشیروں کا مطالبہ کیا گیا ہے لیکن پیپلز پارٹی نے ن لیگ کو 8 وزراتیں دینے سے انکار کردیا ہے۔

پیپلز پارٹی ذرائع کا کہنا ہے کہ کابینہ میں صرف ن لیگ اور پیپلز پارٹی کو ہی نہیں بلکہ دیگر اتحادیوں کو بھی نمائندگی دی جائے گی۔

پیپلز پارٹی اور ن لیگ میں شامل ہونے والے الیکٹیبلز کی خواہش ہے کہ اچھی وزارتیں انہیں ملیں جب کہ بلوچستان میں بڑی سیاسی جماعتوں کے اندرونی اختلافات بھی وزارتوں کی تقسیم کے معاملے پر سامنے آنے کا امکان ہے۔