گرین پاکستان انیشیٹیو کانفرنس کا انعقاد کیا گیا جس میں آرمی چیف جنرل عاصم منیر نے بھی شرکت کی۔

پاک فوج کے شعبہ تعلقات عامہ آئی ایس پی آ کے مطابق گرین پاکستان انیشیٹیو کانفرنس کا انعقاد کیا گیا جس میں چیف آف آرمی اسٹاف جنرل سید چیف عاصم منیر کے علاوہ اعلیٰ سول و فوجی حکام نے شرکت کی۔

آئی ایس پی آر کے مطابق گرین پاکستان انیشیٹیو کانفرنس میں وفاقی وزرا احسن اقبال، رانا تنویر حسین نے بھی شرکت کی۔

گرین پاکستان انیشیٹو کانفرنس کو قلیل مدت میں جی پی ائی کے تحت اقدامات اور کامیابیوں سے اگاہ کیا گیا

آرمی چیف جنرل سید عاصم منیر نے گرین پاکستان انیشیٹو کانفرنس سے خطاب میں کہا کہ پاکستان ایک باہمت قوم کی حامل ریاست ہے، قومی ترقی کےلیےقوم کو اکٹھا ہونا ہوگا۔

آئی ایس پی آر کے مطابق آرمی چیف جنرل سید عاصم منیر نے اپنے خطاب میں مزید کہا کہ پاک فوج اقتصادی ترقی کےلیے مکمل تعاون جاری رکھےگی، پاک فوج کا کردارمربوط قومی سیکیورٹی اور قوم کی بہتری کے لیے ہوگا۔

آئی ایس پی آر کا کہنا تھا کہ اس فورم کو ماڈل زرعی فارمز ، واٹر مینجمنٹ سکیمز ،تکنیکی اختراعات سرمایہ کاری و شراکت داری جیسے اقدامات کے بارے میں بریفنگ دی گئی۔

 فورم کو پاکستان میں زرعی پیداوار بڑھانے اور فوڈ سیکیورٹی یقینی بنانے کے لیے اقدامات سے بھی آگاہ کیا گیا۔

اس موقع پر وفاقی وزراء نے بھی خطاب کیا اور کہا کہ زراعت پاکستان کی لائف لائن ہے، گرین پاکستان انیشیٹو پاکستان میں زراعت کو بدل کر رکھ دے گا۔

آئی ایس پی آر کے مطابق وفاقی وزراء کا کہنا تھا کہ توقع ہے کہ گرین پاکستان انیشیٹو کے تحت زرعی شعبے میں عصر حاضر کے تقاضوں کے مطابق بہترین اقدامات کیے جائیں گے۔