پاکستان کو آئی ایم ایف سے ایک ارب 10 کروڑ ڈالر قرض کی منظوری متوقع

عمر حیات خان

29th Apr, 2024. 11:17 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو آئی ایم ایف سے ایک ارب 10 کروڑ ڈالر قرض کی منظوری متوقع

پاکستان کو آئی ایم ایف سے ایک ارب 10 کروڑ ڈالر قرض کی منظوری متوقع ہے۔

وزارت خزانہ کے ذرائع کے مطابق عالمی مالیاتی ادارے (آئی ایم ایف) کے ایگزیکٹو بورڈ کا اجلاس آج ہوگا۔

ذرائع کا کہنا ہے کہ بورڈ اجلاس میں پاکستان کا کیس منظوری کے لیے پیش کیا جائے گا، کیس پیش ہونے کی صورت میں ایک ارب 10 کروڑ ڈالر قسط کی منظوری متوقع ہے۔

ذرائع کا کہنا ہے کہ اسٹینڈ بائے ارینجمنٹ معاہدے کے تحت پاکستان کو تیسری اور آخری قسط موصول ہوگی۔ ارینجمنٹ معاہدے کے تحت پاکستان آئی ایم ایف سے ایک ارب 90 کروڑ ڈالر موصول کرچکا ہے۔

ذرائع کے مطابق معاہدے میں رہتے ہوئے پاکستان نے آئی ایم ایف کے ساتھ طے شدہ اہداف پر عملدرآمد کیا۔

ذرائع کا مزید کہنا ہے کہ آئی ایم ایف کے ساتھ نئے قرض پروگرام کے لیے معاشی ٹیم کے مذاکرات آئندہ ماہ ہوں گے۔ نئے قرض پروگرام کے تحت مذاکرات کے لیے آئی ایم ایف وفد آئندہ ماہ کے وسط میں پاکستان پہنچے گا۔