کوٹ ڈیجی: پی پی رہنما منظور وسان کہتے ہیں کہ شہباز شریف اپنی مدت پوری کرنے میں قوم کو سرپرائز دے سکتے ہیں۔

پاکستان پیپلزپارٹی کے سینئر رہنما منظور وسان نے پیپلزپارٹی اور ن لیگ کے اتحاد کو مجبوری قرار دیتے ہوئے کہا کہ نواز لیگ سے اتحاد مجبور ہوکر کیا ن لیگ سے ہماری محبت نہیں تھی۔

انہوں نے کہا کہ پی پی پی قیادت نے ن لیگ سے اتحاد کرنے سے قبل عمران خان کی جماعت سے رابطہ کیا تھا، عمران خان اور ان کی جماعت کی جانب سے پی پی پی کو اتحاد سے انکار پر ن لیگ سے مل کر گورنمنٹ بنانے کے سوا اور کوئی آپشن نہیں تھا۔

منظور وسان کا کہنا تھا کہ عمران خان کا ہم سے رویہ ہتک آمیز تھا کہا کے چور ڈاکوؤں سے اتحاد نہیں ہوگا، ہندو بچی پریا کماری کے اغواء کے معاملے پر پولیس کو متحرک ہونا پڑے گا۔

پی پی رہنما کہتے ہیں کہ پاکستان بننے سے آج تک کسی ملک کے وزیر اعظم نے اپنی مدت پوری نہیں کی، شہباز شریف اپنی مدت پوری کرنے میں قوم کو سرپرائز دے سکتے ہیں اور ہوسکتا ہے شہباز شریف اپنی مدت پوری کرلیں۔

ان کا کہنا تھا کہ سندھ کابینہ میں شامل وزراء کام کریں گے نئے چہرے بھی ہیں اور پرانے بھی اس طرح ہوتا ہے اس طرح کے حالات میں۔

منظور وسان نے مزید کہا کہ سندھ میں ڈاکوؤں کے مکمل خاتمے تک آپریشن جاری رکھیں گے، سندھ کو عارضی نہیں ہمیشہ کے لئے امن و امان چاہئیے۔