لکی مروت، دہشتگردوں کا پولیس کی گاڑی پر حملہ، ڈی ایس پی سمیت ایک اہلکار شہید

ویب ڈیسک

06th Apr, 2024. 10:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لکی مروت، دہشتگردوں کا پولیس کی گاڑی پر حملہ، ڈی ایس پی سمیت ایک اہلکار شہید

لکی مروت میں منجیوالا چوک کے قریب دہشتگردوں کی پولیس کی گاڑی پرفائرنگ سے ڈی ایس پی گل محمد خان اور ان کا گن مین شہید ہوگئے۔

تفصیلات کے مطابق پولیس کا کہنا ہے کہ ڈی ایس پی گل محمد خان رات گئے معمول کے گشت پر تھے کہ انڈس ہائی وے کے قریب پہلے سے موجود نامعلوم مسلح افراد نے ان کی گاڑی پر اندھا دھند فائرنگ شروع کر دی۔

فائرنگ سے ڈی ایس پی اور ان کے گن مین سمیت چارافراد شدید زخمی ہوگئے۔

زخمیوں کو سرائے نورنگ اسپتال منتقل کیا گیا جہاں ڈی ایس پی گل محمد خان اور گن مین زخموں کی تاب نہ لاتے ہوئے دم توڑ گئے۔

پولیس حکام کا کہنا ہے کہ واقعے کے بعد پولیس کی بھاری نفری موقع پر پہنچ گئی ہے اور دہشتگردوں کی گرفتاری کے لیے علاقے میں سرچ آپریشن جاری ہے۔

یاد رہے کہ اس سے قبل مارچ 2023 میں بھی لکی مروت میں ایک دہشتگرد حملے میں ڈی ایس پی اقبال مہمند اپنے گن مین کے ساتھ شہید ہوئے تھے۔