رواں سال گندم کی امدادی قیمت میں اضافے کی بجائے کمی کر دی گئی ہے۔ 

وفاقی اور صوبائی حکومتوں نے جان بوجھ کر رواں سیزن کے دوران گندم کی خریداری کا حدف پچھلے سال کے مقابلے میں تقریبا پچاس فیصد سے زائد کمی کردی۔

پچھلے سال گندم کی امدادی قیمت 4000ہزار روپے فی من کے مقابلےمیں 3900روپے فی من مختص کی گئی ہے جب کہ گندم کی امدادی قیمت کے اعلان میں بھی تاخیر کی گئی۔

رواں سیزن 2024 کے دوران گندم کی خریداری کا حدف گزشتہ سال کے مقابلے میں تقریبا پچاس فیصد کم کردیا ہے۔ گندم کی امدادی قیمت اور خریداری کا حدف کم ہونے پر کسان رل گئے۔

دستاویز کے مطابق حکومت نے گزشتہ مالی سال 2023 کے دوران ملک بھر میں گند م کی خریداری کا حدف 78 لاکھ ٹن رکھا تھا۔ رواں سال2024 کے دوران گندم کی خریداری کا حدف 44لاکھ ٹن رکھا گیا ہے۔

دستاویز میں بتایا گیا کہ سال 2023 کے دوران پنجاب حکومت نے گندم کی خریداری کاحدف 45لاکھ ٹن رکھا جو رواں سال 2024میں 20لاکھ ٹن کردیا ہے۔ صوبہ سندھ کا گزشتہ سال 2023 گندم کی خریداری کاٹارگٹ 14لاکھ ٹن تھاجس کو کم کرکے سال 2024 میں کٹ کرکے 10لاکھ ٹن کردیا گیا ہے۔

دستاویز کے مطابق صوبہ بلوچستان کا سال 2023کے دوران گندم کی خریداری کا ہدف ایک لاکھ ٹن تھا جو رواں سال 2024میں پچاس ہزار کردیاگیا ہے، صوبہ خیبر پختونخوا میں مالی سال 2023-24کے دوران گندم کی خریداری کا کوئی ہدف مقرر نہیں کیا گیا تھا۔

دستاویز میں مزید بتایا گیا کہ پاسکو کی خریداری کا ہدف سال 2023میں 18لاکھ ٹن تھا۔ رواں سال 2024پاسکو کا گندم خریداری کا حدف 14لاکھ ٹن رکھا گیا ہے۔