انتخابات کے اعلان کے بعد سے ہی مودی سرکار نے سوشل میڈیا پر مہم کا آغاز کرتے ہوئے اس کا غیر قانونی استعمال شروع کردیا۔

مودی سرکار الیکشن جیتنے کے لیے ہر حربا استعمال کر رہی ہے، پارٹی کو بہترین ثابت کرنے کے لیے مودی سرکار نے سوشل میڈیا پر مہم شروع کردی۔

غیر ملکی خبر رساں ادارے کی رپورٹ کے مطابق مختلف ویڈیوز اور میسجز کے ذریعے بھارتی عوام کو گمراہ کرنے کی کوشش کی جا رہی ہیں۔

رپورٹ کے مطابق بی جے پی میں ایک مرکزی سیل ہے جو روز یہ فیصلہ کرتا ہے کہ آج کن پیغامات کو وائرل کرنا ہے۔

بھارتی صحافیوں کے مطابق بی جے پی کے لیے حکومت کے ڈیٹا بیس تک رسائی آسان تھی جس کے ذریعے واٹس ایپ پر میسج کیے گئے۔

مودی سرکار اپنے سیای مقاصد کے لیے پولیٹیکل مارکیٹنگ کا استعمال کر رہی ہے، اپوزیشن کو بھی انتہائی مسائل کا سامنا ہے جس کی وجہ سے اکثر اپوزیشن جماعتوں کے رہنما جیل میں ہیں۔

غیر ملکی خبر رساں ادارے نے بتایا کہ 2017 میں قائم کیے گئے الیکٹورل بانڈ فنڈز سے 60 فیصد رقم بی جے پی کو گئی جو تقریبا 60 ارب بنتی ہے۔

بھارتی صحافیوں کے مطابق یہ سب میڈیا کی حکمت عملی کا ایک حصہ ہے جس سے ملک بھر میں یہ تاثر پیدا ہوتا ہے کہ مودی ہندوستان کو آگے لے جانا چاہتے ہیں، ٹیکنالوجی کو ہتھیار بنا کر بی جے پی اپنے سیاسی مقاصد حاصل کرنا چاہتی ہے۔

بھارتی صحافی کہتے ہیں کہ بی جے پی بدعنوانی کے الزامات لگا کر اپوزیشن جماعتوں پر دباوٴ ڈال رہی ہے جس کا نتیجہ یہ ہے کہ متعدد سیاستدان جیل میں ہیں۔