ملکی برآمدات میں 9 فیصد اضافہ

عمر حیات خان

22nd Apr, 2024. 04:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملکی برآمدات میں 9 فیصد اضافہ

اسلام آباد: مالی سال کے پہلے 9 ماہ میں ملکی برآمدات میں 9 فیصد اضافہ رپورٹ۔

رواں مالی سال کے پہلے 9 ماہ میں ملکی برآمدات میں 9 فیصد اضافہ ہوا جب کہ جولائی تا مارچ برآمدات کا حجم 22 ارب 93 کروڑ ڈالر رہا، ٹیکسٹائل برآمدات 0.25 فیصد کمی سے 12 ارب 44 کروڑ ڈالر ریکارڈ کی گئی۔

غذائی اجناس کی برآمدات میں 48 فیصد سے زائد اضافہ ہوا، جولائی تا مارچ 5 ارب 65 کروڑ ڈالر کی خوراک بر آمد ہوئیں جب کہ چاول کی برآمد 83 فیصد اضافے سے 2 ارب 93 کروڑ ڈالر رہی۔

گوشت کی برآمدات میں 28 فیصد اضافہ ہوا جو 38 کروڑ 69 لاکھ ڈالر ریکارڈ کی گئی آئل سیڈز، میووں کی برآمد 161 فیصد بڑھی جو 38 کروڑ 65 لاکھ ڈالر ریکارڈ ہوئی۔

علاوہ ازیں سبزیوں کی برآمد 43 فیصد بڑھی جو 33 کروڑ 62 لاکھ ڈالر کی بر آمد ہوئی، پھلوں کی برآمد میں 17.34 فیصد اضافہ جس کا حجم 26 کروڑ 56 لاکھ ڈالر رہا۔

مصالحوں کی برآمدات 20 فیصد اضافے سے 8 کروڑ 72 لاکھ ڈالر رہی، کیمیکلز کی برآمد میں 3 فیصد اضافہ ہوا جس کا حجم 1 ارب 10 کروڑ ڈالررہا جب کہ سیمنٹ کی برآمدات 32 فیصد اضافے سے 17 کروڑ 94 لاکھ ڈالر ریکارڈ کی گئی۔