بھارت میں عام انتخابات سے قبل مودی سرکار کانگرس کے انتخابی منشور سے خوفزدہ دکھائی دے رہی ہے۔

بھارت میں عام انتخابات میں بس کچھ دن باقی ہیں لیکن مودی سرکار اپنی  مذموم حرکتوں سے باز نہیں آئی، بھارتی عوام میں مسلسل نفرت اور مسلم مخالف پروپگنڈا پھیلانے کے ساتھ مودی سرکار اپوزیشن جماعتوں کے درپے ہے۔

مودی سرکار کے مطابق کانگرس کا انتخابی منشور 2024 آل انڈیا مسلم لیگ سے مماثلت رکھتا ہے، کانگریس نے جو منشور جاری کیا ہے اس میں وہی سوچ جھلک رہی ہے جو آزادی کے وقت مسلم لیگ کی تھی۔

مودی  سرکار کے ساتھ ساتھ بی جے پی کے دیگر لیڈران نے بھی اپنا سیاسی تعصب کانگرس کے خلاف دکھا دیا۔

وزیر خزانہ نرملہ سیتا نے منگھڑت دعویٰ کیا کہ کانگرس نے جو وعدے کیے ہیں وہ پورے نہیں کرسکتے کیونکہ ان کے پاس بجٹ ہی نہیں ہے۔

کانگریس کی رہنما سونیا گاندھی نے کہا کہ بدقسمتی سے ہمارے ملک میں آج ایسے حکمران موجود ہیں جو ملک کے وقار کے لیے خطرہ بن چکے ہیں۔

انہوں نے کہا کہ بھارت گذشتہ 10 سال سے ان لوگوں کے ہاتھ میں ہے جنہوں نے ملک کو صرف مہنگائی، بے روزگاری اور معاشی بحران کی طرف دھکیلا ہے۔

سونیا گاندھی کہتی ہیں کہ مودی سرکار اور بی جے پی نے عدم مساوات اور ظلم کو بڑھاوا دینے میں کوئی کسر باقی نہیں چھوڑی جب کہ گذشتہ 10 برس میں مودی حکومت نے آئین میں ردو بدل کر کے پورے نظام کو تباہ کیا ہے۔

خیال رہے کہ سیاسی حریفوں کو نیچا دکھانے اور مذموم سیاسی مقاصد کے حصول کے لیے مودی سرکار ہر حد پار کرچکی ہے۔

مودی سرکار اور بی جے پی کا اپوزیشن جماعتوں اور کانگریس کے ساتھ نارروا سلوک  کسی سے ڈھکا چھپا نہیں ہے۔ پوری دنیا مودی کی نام نہاد جمہوریت اور انتہا پسندانہ سوچ کا مکروہ چہرہ دیکھ چکی ہے۔